ایران پاکستان نی آگاهلنتیردی

توناوکون ایران ده اویوشتیریلگن انتحاری هجوم عاقبتیده اونلب حربی جان بیرگن ایدی

ایران پاکستان نی آگاهلنتیردی

ایران ایچکی ایشلر وزیری عبدالرضا رحمانی فضلی, ایران نینگ جنوبشرقیده اویوشتیریلگن و کمیده 27 حربی نینگ جان بیریشی گه سبب بولگن انتحاری هجوم حقیده بیانات بیردی. 

پاکستان حکومتی نینگ اوشبو اولکه حدود لریده فعالیت آلیب باریاتگن ترور تشکیلات لری بوییچه مسئول ایکن لیگی نی بیلدیرگن فضلی, "پاکستان حکومتی نینگ اوشبو ترور تشکیلات لری نینگ فعالیت لری نی توخته تیش گه اهمیت بیریشی نی طلب قیلماقده میز" دییه قید ایتدی. 

فضلی, خلق ارا حقوق دایره سیده ایران گه قره تیلگن تهدید لر گه قرشی برچه تدبیر لر نی آله دیگن لیک لری نی بیلدیردی. 

خوددی شوو تروریستیک هجوم نینگ امریکا قوشمه ایالتلری ییتکچیلیگیده پولند پایتختی وارسا ده ایران گه قرشی کنفرانس بولیب اوتگن کون نینگ اوزیده اویوشتیریلگن لیگی نی بیلدیرگن فضلی, "اوشبو انتحاری هجوم امریکا قوشمه ایالتلری رهبریتی نینگ خلق ارا حقوق و انسان حقلری گه ایشانمیاتگن لیگی نی کورسه تیب بیردی" دییه قید ایتدی. 

توناوکون کیچکی پیتده ایران نینگ جنوبشرقیده جایلشگن سیستان و بلوچستان ولایتی نینگ زاهدان شهریده انقلاب محافظ لری گه قره ته منفجره مواد یوکلنگن بیر موتر دن فایده له نیب اویوشتیریلگن انتحاری هجوم عاقبتیده کمیده 27 کیشی جان بیررایکن, 20 نفر ایسه یره لنگن ایدی. 

اوشبو هجوم نینگ مسئولیتی نی ایسه منطقه ده فعالیت آلیب باریاتگن جیش العدل ترور تشکیلاتی اوز بوینی گه آلدی. 

باشقه بیر تاماندن ایسه پاکستان اوشبو انتحاری هجوم نی قاره له دی. 

پاکستان تشقی ایش لر وزیرلیگی سوزچیسی محمد فیصل, اجتماعی ترماق لر آرقه لی بیرگن بیاناتیده, "کوپلب کیشی نینگ جان بیرگن زاهدان ده گی انقلاب محافظ لری گه قره تیلگن انتحاری اوچون جوده خفه میز. اوشبو حادثه عاقبتیده جان بیرگن کیشی لرنینگ عایله لری گه تسلیت بیلدیره میز.  پاکستان هر خیل ترورچیلیک فعالیتی نی قاره له ماقده" دییه قید ایتدی. 



علاقه لی ینگی لیکلر