پاکستان نینگ ایسکی باش وزیری یوسف رضا گیلانی نینگ چیت ایل گه چیقیشی گه رخصت بیریلمه دی

rقراردن قونلغه گه بارگنده خبر بولدی

پاکستان نینگ ایسکی باش وزیری یوسف رضا گیلانی نینگ چیت ایل گه چیقیشی گه رخصت بیریلمه دی

فساد بیلن عیبله نیب سودگه آلینگن پاکستان نینگ ایسکی باش وزیری یوسف رضا گیلانی نینگ خارج گه چیقیشی گه رخصت بیریلمه دی.

پاکستان میدیاسیده اورین آلگن خبرگه کوره، گیلانی جنوبی کوریاگه کیتماقچی بولیب قونلغه گه بارگنده اوچیش گه رخصت بیریلمه گن.

گیلانی گه لاهور علامه اقبال خلق ارا قونلغه سیده قونلغه پولیس اداره سی تامانیدن رخصت بیریلمه گن لیگی بیلدیریلدی.

جنوبی کوریاده بیر کنفرانس گه قتنه شیش اوچون تایلند آرقه لی کیتماقچی بولیب اوچاققه مینه دیگن پیتده گیلانی نینگ آتی چیقیش کنترول رویخطیده اورین آلگن لیگی تثبیت ایتیلگن لیگی افاده ایتیلدی.

گیلانی خارج گه چیقیشی گه رخصت بیریلمس لیگی بیلن تیگیشلی قرارنی قونلغه ده خبر بولرکن، موضوع بیلن علاقه لی مطبوعات گه بیانات بیردی.

"پاکستاندن قاچیش نیتیده ایمس من"دیدی.

پاکستانده 2008 – 2012 ییللری آره سیده باش وزیرلیک قیلگن گیلانی بیلن بیر قطارده 25 کیشی اوتگن ییلی کراچی "شهری محکمه" تامانیدن وظیفه جریانیده فسادگه قول اوریش و جهلی حسابلرگه پول حواله قیلیش بیلن عیبلب سودگه آلینگن ایدی.  

گیلانی منسوبی بولگن پاکستان خلق حزبی باشلیغی بلاول بوتو – زرداری بیلن اونینگ آته سی ایسکی جمهور باشلیغی آصف علی زرداری هم خوددی شو سود چوکاتیده فساد بیلن عیبلنماقده.



علاقه لی ینگی لیکلر