ایران امریکا قوشمه ایالتلرینی قاره له ماقده

ایران تشقی ایشلر وزیری محمد جواد ظریف، امریکا قوشمه ایالتلریده قولگه آلینگن ایران دولت تلویزیونی نینگ نطاقی قاره تنلی عیال ژورنالیست مرضیه هاشمی نینگ نظارتگه توتیلیشینی قاره له دی.

ایران امریکا قوشمه ایالتلرینی قاره له ماقده

ایران تشقی ایشلر وزیری محمد جواد ظریف، واشنگتن اداره سینی قاره تنلی وطنداشلری نینگ حقلرینی غضب قیلگن لیگی بیلن عیبله دی.

ظریف تویتر آدرسی آرقه لی نشر قیلگن پیامیده، امریکا قوشمه ایالتلریده قولگه آلینگن ایران دولت تلویزیونی نینگ نطاقی قاره تنلی عیال ژورنالیست مرضیه هاشمی نینگ محکمه سی نهائی بولگینچه قدر نظارتگه توتیلیشینی قاره له دی.

ظریف "امریکا قوشمه ایالتلری اداره سی بیر ژورنالیست و بویوک آنه (بی بی) بولگن مرضیه هاشمی نینگ بویوک بیر ژوری هیئتی قاشیده تحقیقی نهائی بولگینچه قدر قماقخانه گه تشلنگن لیگی اونینگ قنداغ قیلیب قاچیب کیتیش خطری موجود ایکن لیگینی معلوم قیلیشی کیره ک" دیب افاده ایتگن.

یازووی نینگ دوامیده تنیقلی قاره تنلی امریکالیک انسان حقلری مدافعه چیسی مارتین لوتر کینگ Martin Luther King نینگ اولدیریلیشی گه اشاره قیلگن ظریف جنابلری، امریکا قوشمه ایالتلری مارتین لوتر کینگ ترور بولیشیدن 50 ییل کیین هم قاره تنلی ایرکک و خاتین – قیزلرنینگ وطنداشلیک حقلرینی غضب ایتماقده" دیب تذکر بیرماقده.

ایران دولت تلویزیونی گه باغلیغ نشرات بیره دیگن انگلیس تیلی خبر کانالی پرس تلویزیونی نینگ نطاقی امریکالیک قاره تنلی ژورنالیست مرضیه هاشمی، اوتگن هفته عایله سینی کوریش اوچون بارگن میسیئوری ایایلتی نینگ ست لوئیز شهریده قولگه آلینگن ایدی.

پرس تلویزیونی مذکور ژورنالیست نینگ قرینداشلریگه تیانتیریب بیرگن خبریده، هاشمی نینگ FBI تامانیدن واشنگتنده گی نظارتخانه گه جونه تیلگن لیگینی خبر بیرگن ایدی.

اوشبو خبرده، ایرانلیک ژورنالیست قولگه آلینه دیگن پیتده حجابی نینگ زوروانلیک بیلن چیقریب تشله ماقچی بولگن لیکلری و نظارتخانه ده حلال آزیق – اوقاتدن محروم قیلیب تشله گن لیکلری ادعا ایتیلگن ایدی.

واشنگتن حوزه وی محکمه سی نینگ اسنادلریگه کوره، هاشمی بیر تحقیق دایره سیده (امریکا قوشمه ایالتلری حقوقی اصطلاحی گه کوره "مادی شاهد") صفتی بیلن قولگه آلینگن.

هاشمی نینگ قیسی دعوا بیلن تیگیشلی قولگه آلینگن لیگی حقیده معلومات بیریلمه دی. محکمه پروسه سی نینگ ارتیدن آزاد ایتیله جگی افاده ایتلگن ایدی.

  

 



علاقه لی ینگی لیکلر