ایران امریکالیک بیر عسکرنی قولگه آلدی

ایران تشقی ایشلر وزیرلیگی سوزچیسی بهرام قاسمی تایید ایتدی

ایران امریکالیک بیر عسکرنی قولگه آلدی

ایران تشقی ایشلر وزیرلیگی سوزچیسی بهرام قاسمی، امریکا قوشمه ایالتلری نینگ ایسکی اردو منسوبی مایکل وایت نینگ مشهد شهریده قولگه آلینگن لیگینی تایید ایتدی.

قاسمی، تشقی ایشلر وزیرلیگی نینگ رسمی ویب سایتیده نشر قیلگن یازمه بیاناتیده، مایکل وایت نینگ بیر مدت آلدین مملکتی نینگ شرقیده جایلشگن خراسان رضوی ولایتی نینگ مرکزی بولمیش مشهد شهریده قولگه آلینگن لیگینی و بونینگ پایتخت تهرانده گی امریکا قوشمه ایالتلری نینگ منفعتیدن مدافعه قیلووچی دفتریگه خبر بیریلگن لیگینی معلوم قیلدی.

تشقی ایشلر وزیرلیگی سوزچیسی قاسمی، وایت گه قماقخانه ده روانی زوروانلیک عملگه آشیریلگن لیگی بیلن تیگیشلی ادعالرنی یالغان دیب رد ایتدی.

وایت نینگ دوسیه سی نینگ محکمه لر تامانیدن تیکشیرووگه آلینگن لیگینی معلوم قیلگن قاسمی، دوسیه نهائی بولگنده مسؤل اداره لر تامانیدن معلومات بیریله جگینی قید ایتدی.

امریکانینگ نیورک تایمز روزنامه سی، توناون کونی امریکا قوشمه ایالتلری اردوسی نینگ ایسکی منسوبی 46 یاشده گی مایکل وایت نینگ جولای 2018 دن بیری ایرانده قماقخانه ده ایکن لیگینی یازگن ایدی.

نیورک تایمز، عایله سیگه تیانتیریب بیرگن خبریده، اصل کالیفورنیالیک بولگن وایت نینگ ایران لیک سیوگیلیسی بیلن اوچره شیش اوچون بارگن لیگینی و اوشلب آلینگن لیگینی بیلدیرگن ایدی.

آنه سی جوان وایت، اوغلی نینگ 27 جولای 2018 ده دبی آرقه لی امریکا قوشمه ایالتلریگه قره ب پروازی بولگن لیگینی بیراق بو اوچاققه هیچ مینمه گن لیگینی شو باعث لادرک بولگن لیگی بیلن تیگیشلی خبر بیرگن لیکلرینی ایتدی.  

امریکا قوشمه ایالتلری دولت باشلیغی دونالد ترامپ تامانیدن می آییده ایران بیلن هسته ای کیلیشوودن بیر تامانلمه چیقیشی نینگ آرتیدن ایران گه قره ته چیکلاولر قیته دن باشله گن ایدی و ایککی مملکت اورته سیده بحران یوز بیرگن ایدی.

امریکا قوشمه ایالتلری تشقی ایشلر وزیری مایک پمپیئو، ایران بیلن ینگی بیر کیلیشوونینگ آلیب باریلیشی کیره ک لیگینی اورغولب 12 ماده لیک شرط قویگن ایدی.

پمپیئو بو شرطلردن بیرته سی نینگ "ایران حقیقتی بولمه گن عیبلاولر بیلن اوشلب آلگن برچه امریکا قوشمه ایالتلری و بو مملکت نینگ مشترک متفقی بولمیش اولکه لرنینگ تبعه لرینی آزاد ایتیشی کیره ک" دیب بیان ایتگن ایدی.

ایرانده حلی هم وایتدن تشقری کمیده 3 کیشی امریکا تبعه سی نینگ اوزاق ییللردن بیری قماقخانه ده محکوم ایکن لیگی افاده ایتیلماقده دیر.



علاقه لی ینگی لیکلر