شاه حسین مرتضوی ایراننی تنقید ایتیب ناراضی چیلیک بیلدیردی

طالبان گروهی هیئتی ایرانگه سفر اویوشتیریب ملاقات اوتکزگن ایدی

شاه حسین مرتضوی ایراننی تنقید ایتیب ناراضی چیلیک بیلدیردی

افغانستان جمهور رئیس لیگی سوزچیسی اورینباسری شاه حسین مرتضوی، اجتماعی ترماق آرقه لی بیرگن بیاناتیده، ایران نینگ طالبان گروهی بیلن بولگن تماسی اوچون؛

"ایران تشقی ایشلر وزیرلیگی مسؤللری، بوکونلرده طالبان نینگ سوزچیسی کبی حرکت ایتماقده لر. قوشنیمیز ملاقات آرقه لی ییچیم گه اعتقادی بولسه نیمه اوچون اوز ایچیده گی مخافلر مثال اوچون خلق مجاهدلری بیلن ملاقات یولینی یاپیب قویگنلر؟ نیمه اوچون اوز ایچلریده اوزاق ییللردن بیری بحرانگه سبب بولگن قیینچیلیکلرنی مخالفلر بیلن ملاقات آرقه لی حل قیلمه یدیلر؟ طالباننی تینگله گونچه اوز سیاسی مخالفلری بولمیش میر حسین موسوی ویا کروبینی ایشیتسه لر یخشی ایمس می؟" دیب ایتدی.

طالبان هیئتی دسامبر آیی نینگ آخریده تهرانگه سفر قیلیب، ایران تشقی ایشلر وزیری اورینباسری عباس عراقچی بیلن اوچره شگن ایدیلر. ایران تشقی ایشلر وزیرلیگی سوزچیسی بهرام قاسمی، مذکور ملاقاتلرنینگ افغانستان حکومتی نینگ معلوماتی بولگن حالده عملگه آشیریلگن لیگینی بیان ایتگن ایدی.

ایران تشقی ایشلر وزیری محمد جواد ظریف هم توناون کونی هندوستان نینگ NDTV تلویزیون کانالی گه بیرگن بیانیاتده، طالبان گروهی نینگ افغانستان نینک ساختاریده اورین آلیشی کیره ک، بیراق رهبریتیده ایمس دیب، ایتگن ایدی.



علاقه لی ینگی لیکلر