تورکیه ایچکی ایشلر وزیری پاکستانده بیر قطار اوچره شوولر اوتکزدی

تورکیه ایچکی ایشلر وزیری سلیمان سویلو، تورکیه نینگ امریکا قوشمه ایالتلری مخافت قیلگن حالده سوریه ده ترورچیلرگه قرشی فرات قالقانی و زیتون یاله سی عملیاتلرینی موفقیت لیک بیلن اجرا ایتگنینی بیلدیردی.

سلیمان سویلو، پاکستان نینگ پایتختی اسلام آبادده گی نورخان عسکری قونلغه ده ایچکی ایشلر وزیری شهریار افریدی و تورکیه نینگ اسلام آباد بویوک ایلچیسی احسان مصطفی یورده قل بیلن ایریم مسؤللر تامانیدن کوتیب آلیندی.  

آرتیدن سویلو، پاکستان ایچکی ایشلر وزیری شهریار خان افریدی بیلن اوچره شدی.

سویلو رسمی سفر آرقه لی بارگن پاکستان نینگ پایتختی اسلام آبادده کسبداشی افریدی بیلن مقامی گه باریب ملاقات قیلدی.

مذکور وزیرلیک نینگ جلسه صالونیده اوتکزیلگن هیئتلر ارا اوچره شوو مطبوعات گه یاپیق روشده بولیب اوتدی.

اوشبو ملاقاتده حدود خوفسیزلیگی، پاکستانلیک پولیس لرنی تربیه لش، مهاجرلر وضعیتی و فتح الله چی ترور تشکیلاتی گروهی قاله ویرسه تورلی ترور تشکیلاتلریگه قرشی مشترک کوره ش موضوعلری قولگه آلینگن.

سلیمان سویلو، اوندن کیین تورکیه نینگ اسلام آباد بویوک ایلچی لیگی گه باردی و کنفرانس صالونیده تورک مدنی جامعه نماینده لری بیلن اوچره شدی.

سویلو بوجایده گی اوز صحبتیده، سوریه نینگ شمالیده ترورچیلرگه قرشی فرات قالقانی و زیتون یاله سی عملیاتلرینی اجرا ایتگنلیک لرینی بیلدیردی.

سویلو،

"امریکا قوشمه ایالتلری بو عملیاتلرگه مخالفت قیلدی. حمایه قیلگن ترورچیلر بیلن بیزنی قورقیتماقچی بولدی. خلق ارا بیر محاصره اورته گه قویماقچی بولدی. بیراق الله گه شکر تورکیه بونی موفقیت لیک بیلن اوتکزدی" دیدی.

امریکا قوشمه ایالتلری نینگ تورکیه نی شمالی عراق و سوریه نینگ عفرین منطقه سیده محاصره قیلماقچی بولگن لیگینی افاده ایتگن سویلو جنابلری،

"ایندی بیزنی فرات دریاسی نینگ شرقیده هم محاصره قیلماقچی بوله دی. تورکیه بونگه هم فرصت بیرمه یدی" دیب ایتدی.

سویلو، امریکا قوشمه ایالتلری نینگ تورکیه نی فشار آستیگه آلیش سببی نینگ تورکیه نینگ حرکت ساحه سینی کمه یتیریش، اطرافده گی مملکتلر بیلن مناسبت قوریشی گه مانع بولیش، برچه جغرافیه لر بیلن مناسبتینی قولیدن کیلگونچه برهم اوریش ایکنینی ایتدی.