پاکستان، امریکا قوشمه ایالتلری نینگ راپوری گه ناراضی لیک بیلدیریب قاره له دی

پاکستان راپورنی رد ایتیب قتتیق قاره لب چیققن

1105512
پاکستان، امریکا قوشمه ایالتلری نینگ راپوری گه ناراضی لیک بیلدیریب قاره له دی

پاکستان، امریکا قوشمه ایالتلری تامانیدن تیارلنگن بیر تامانلمه و سیاست تامانیدن تشویق ایتیلگن دینی ایرکینلیکلر راپورینی قبول قیلمه گن لیکلرینی بیلدیردی.

تشقی ایشلر وزیرلیگی تامانیدن بیریلگن یازمه بیاناتده، امریکا قوشمه ایالتلری نینگ راپوریده نا توغری توشونچه قاله ویرسه راپورنی تیارله گنلرنینگ طرف سیزلیگی نینگ محاکمه قیلووچی بیر نقطه ده ایکن لیگی بیلدیریلدی.

مملکت (پاکستان) نفوسی نینگ قریب 4 فایزی نینگ عیسوی، سکه، بودیست و هندو ایکن لیگی تذکر بیریلگن بیاناتده،

"دینی ایرکین لیکلر نقطه نظردن تشقریدن قره گنلرنینگ صنف لنتیریشینی رد ایته میز. پاکستان، امریکا قوشمه ایالتلری تشقی ایشلر وزیرلیگی تامانیدن نشر قیلینگن بیر تامانلمه و سیاست تامانیدن تشویق ایتیلگن دینی ایرکینلیکلر راپورینی قبول قیلمه یدی" دیب ایتیلگن.

مذکور بیاناتده، دینی و اتنیک اقلیتلرنینگ حق لرینی اساسی قانون بوییچه خوفسیزلیگی نینگ تامین ایتیلگن لیگی اورغولنگن حالده، "پارلمانده گی اقلیتلرگه قرار جریانیده ییترلی نماینده و سوز گه ایگه بولیشلری اوچون خاص چوکی اجره تیلگن لیگی" ایسله تیگن.

مستقل ملی انسان حقلری کینگشی نینگ اقلیتلرنینگ حق اخلاللری موضوعلری بوییچه خواطرلری نینگ برطرف ایتیلگن لیگی معلوم قیلینگن بیاناتده، اوتمیشده هم عالی قضا ارگانلری نینگ اقلیتده گیلرنینگ ماللری، عبادتخانه لری و حق لریدن محافظه قیلووچی انچه قرار آلگن لیگی بیلدیریلگن.

اوشبو بیاناتده؛

" پاکستان تبعه لری نینگ حقلریدن مدافعه قیلیش اوچون جوده مناسب قانون و اداری میکانیزم ایجاد ایتگن دیر. اقلیتلر حقلریدن دفاع قیلیشلری اوچون ایریم مملکتلرنینگ توصیه لریگه ضرورتی یوق دیر. امریکا قوشمه ایالتلری ایچیده مملکتده گی اسلام دشمن لیگی و انتی سمیتیزم نینگ یوقاری کیتیب باریشی نینگ سببلرینی یوزه گه قویه دیگن شکلده اوزینی نقد قیلیب چیقیش نینگ زمانی ییتیب کیلگن" دیب ایتیلگن.

عین دمده، امریکا قوشمه ایالتلری انسان حقلری مدافعه قیلووچی لری نینگ کشمیرده یوز بیریب تورگنلرگه کوزلرینی یوموب قویگن دیب تنقید ایتیلگن.



علاقه لی ینگی لیکلر