ایرانده گی افغانستانلیک مهاجرلر افغانستانگه قیتیب بارماقده

اوشبو دایره ده 700 یوز مینگدن آرتیق مهاجر نینگ افغانستان گه قیتیب بارگن لیگی بیلدیریلماقده

iran'daki afgan gocmenler1.jpg

ایرانده گی اقتصادی قیین چیلیک لر سببلی اوشبو اولکه ده یشیاتگن 700 یوز مینگدن آرتیق افغانستانلیک قاچاق مهاجر افغانستان گه قیتیب باردی. 

بیرلشگن ملت لر تشکیلاتی تامانیدن ترقه تیلگن راپورده, دسامبر آیی نینگ بیرینچی کونیدن باشلب حاضرگی کونگه چه افغانستان گه قیتیب بارگن مهاجر لر سانی نینگ 721 مینگ کیشی گه کوتریلیب کیتگن لیگی بیلدیریلدی. 

عینی دمده پاکستاندن هم ایریم مهاجر لرنینگ افغانستان گه قیتیب کیلگن لیگی بیلدیریلماقده. شونده ی قیلیب ایران و پاکستاندن افغانستانگه قیتیب کیلگن مهاجر لر سانی 752 یوز مینگ کیشی دن هم آشیب کیتدی. 

بیرلشگن ملت لر تشکیلاتی تامانیدن ترقه تیلگن راپورده افغانستانلیک مهاجر لرنینگ افغانستانگه قیتیب کیتیش لری بوییچه اینگ اساسی سبب نینگ ایران پولی نینگ ارزشی نینگ توشیب کیتگن لیگی و اوشبو اولکه ده گی اقتصادی و سیاسی بحران دن عبارت ایکن لیگی بیلدیریلماقده. 

ایران مطبوعاتی ایسه, ایراندن چیققن افغانستانلیک مهاجر لرنینگ بویورک بیر قسمی نینگ افغانستانگه قیتیب بارگن لیک لری نی بیلدیررایکن, بیر قسمی نینگ ایسه تورکیه آرقه لی اوروپا گه کیتیش گه حرکت قیلیاتگن لیک لری نی معلوم قیلدی. 

جاری ییلده ایران پولی 70 فایز مقیاسیده اوز ارزشی نی قولدن بیریب قویدی. 

کوچ و کوچمنچیلیک بوییچه فعالیت آلیب باریاتگن ایریم نادولت تشکیلات لر, امریکا قوشمه ایالتلری نینگ ایرانگه قره تیلگن تحریم لری نینگ هم افغانستانلیک مهاجر لرنینگ اوشبو اولکه نی ترک ایتیش لری بوییچه بیر تورتکی بولگن لیگی نی بیلدیرماقده. 



علاقه لی ینگی لیکلر