ایرانده کوپلب پارلمان وکیلی استعفا قیلدی

اوشبو وکیل لر سوو پروژه سی گه بودیجه اجره تیلمه گن لیگی اوچون استعفا قیلگن

ایرانده کوپلب پارلمان وکیلی استعفا قیلدی

ایرانده 18 پارلمان وکیلی, اصفهانده سوو تامین ایتیب بیریلیشی بیلن علاقه لی پروژه لرنینگ کیله جک بودیجه پلانی گه کیریتیلمه گن لیگی گه قرشی عکس العمل کورسه تیش مقصدی بیلن استعفا قیلدی. 

ایران نینگ یریم رسمی خبر آژانسی تسنیم بیلن مصاحبه قیلگن فریدون شهر وکیلی اکبر تورکی, استعفا قیلگن کیشی لرنینگ همه سی نینگ اصفهان وکیل لریدن عبارت ایکن لیک لری نی بیلدیردی. 

اوشبو وکیل لرنینگ همه سی نینگ سوو تامین ایتیلیشی بیلن علاقه لی پروژه نینگ بودیجه گه کیریتیلمه گن لیگی سببلی استعغا قیلگن لیگی نی بیلدیرگن تورکی, خوددی شوو وکیل لرنینگ بوگون استعفانامه سی نی تقدیم قیلگن لیک لری نی معلوم قیلدی. 

ایران خبر آژانسی ایسنا بیلن مصاحبه قیلگن اصفهان وکیلی ناصر موسوی لارگانی, ایران جمهوررئیسی حسن روحانی نینگ سوو معما سی نینگ ییچیلیشی بیلن علاقه لی اصفهان خلقی گه قیلگن وعده سی گه وفا قیلمه گن لیگی نی بیلدیردی. 

اصفهانده گی زاینده نهری نینگ قوریب قالیشی گه مانع بوله دیگن بیر ییچیم یولی نینگ تاپیلمه گن لیگی نی بیلدیرگن لارگانی, "آلدین پلانلنگن و بودیجه ده موجود بولگن پروژه لرنی هم بودیجه دن چیقاردیلر" دییه قید ایتدی. 

ایران نینگ تاریخی و توریستیک شهریدن عبارت اصفهان نینگ کوپینچه دهقان لرنینگ یشیاتگن شرقی قسم لری قورغاقچیلیک و سوو منبع لریدن ناتوغری استفاده قیلینیشی نتیجه سیده جدی سوو قیین چیلیک لری گه دوچ کیلیب قالگن ایدی. 

اوشبو معما سببلی منطقه یشاوچی سی دهقان لر بیر نیچه مراتبه ناراضی چیلیک نمایش لری اوتکزگن ایدی. 



علاقه لی ینگی لیکلر