افغانستان – تاجکستان چیگره سی روسیه تامانیدن کوزه تیلماقده

اوشبو مطلب نی روسیه تشقی ایش لر وزیرلیگی سوزچیسی بیلدیردی

افغانستان – تاجکستان چیگره سی روسیه تامانیدن کوزه تیلماقده

روسیه تشقی ایش لر وزیرلیگی سوزچیسی ماریا زاخارووا تاجکستان - افغانستان چیگره حدود لری نی کوزه تیاتگن لیک لری نی معلوم قیلدی. 

زاخارووا اوشبو چیگره حدود لری نینگ تاجکستانگه جایلشتیریلگن روسیه حربی مرکزی تامانیدن کوزه تیلیاتگن لیگی نی بیلدیردی. 

آگست آیی نینگ 26 نچی کونیده ناتانیش قوراللی کیشی لر افغانستان چیگره سیدن اوتیب 50 – 100 کیلومتر تاجکستان حدود لری ایچی گه کیرگن ایدی. 

خوددی شوو قوراللی کیشی لر تاجکستان حدود لری ایچیده ایککی کیشی نینگ جان بیریشی و بیر نفر نینگ ایسه یره له نیشی گه سبب بولدی. 

اوشبو حادثه آرتیدن ایسه ایریم منبع لر تاجکستان نینگ ایککی اولکه چیگره سیده هوایی عملیات اویوشتیرگن لیگی نی بیلدیردی. 

بیراق تاجکستان تامانی اوشبو خبر نینگ یلغان ایکن لیگی نی بیلدیررایکن, تاجکستان نینگ چیگره ده هیچ قنده ی بیر عملیات اویوشتیرمه گن لیگی نی معلوم قیلدی. 



علاقه لی ینگی لیکلر