پاکستانده رای بیریش جریانیده خودکش هجوم اویوشتیریلدی

پاکستانده رای بیریش پروسه سی باشلندی

پاکستانده، 5 ییل بویی وظیفه آلیب باره دیگن فدرال و ایالت مجلسی اعضالرینی تنلش اوچون یولگه تشلنگن سیلاو باشلندی.  

مملکتده رای بیرش کارتی بولگن 105 میلیون 960 مینگ سیلاوچی موجود.

سیلاو بوگون ایرته لب ساعت 08:00 باشلندی.

سیلاوچیلر 85 مینگ صندوقده، 5 ییل بویی وظیفه آلیب باره دیگن فدرال و ایالت مجلسی اعضالرینی تنلش اوچون رای بیره دیلر.  

حکومتنی قوره دیگن باش وزیر هم فدرال مجلسی اعضالری آره سیدن تنلنه دی.

ایالت مجلسلریده 577 و فدرال مجلس لریده 272 توپلم 849 چوکی ملت وکیل لیگی اوچون 12 مینگدن آرتیق کیشی کاندید رقابت قیلماقده.

کاندیدلر 100 حزب و اتفاق آرقه لی بیر قطاری ایسه مستقل روشده رقابت قیلماقده لر.

رای بیریش پروسه سی آقشم ساعت 18:00 (06:00) ده توگه یدی.

تیکشیروولرگه کوره، قماقخانه ده بولگن نواز شریف نینگ باشقروویده گی پاکستان مسلمان لیگی – نواز (PML-N) حزبی بیلن عمران خان نینگ حزبی پاکستان تحریک انصافی (پاکستان عدالت حرکتی) کتته رقابت یوز بیرماقده.

باشقه تاماندن، ملی مسلمان لیگی ملت وکیل کاندیدی فیصل ندیم نینگ سیلاو دفتریده اویوشتیریلگن هجومده یره لندی.

پولیس اداره چیسی عادل چندیو، کیم لیگی نا معلوم کیشی ویا کیشی لرنینگ پاکستان نینگ جنوبیده جایلشگن لطیف آبادده رای بیریش پروسه سی باشله ییشی گه بیر نیچه ساهت قالگنده ملی مسلمان لیگی ملت وکیلی ندیم نینگ دفتری گه قول بمبی آتیلگن لیگینی بیلدیردی.

ندیم بیلن هیداوچیسی دفترگه کیره دیگن پیتده یره لنگن.

بو ایککی کیشی نینگ کسلخانه گه انتقال بیریلگن لیکلری معلوم قیلیندی بیراق ساغلیق وضعیت لری توغریسیده معلومات بیریلمه دی.

پولیس حادثه نینگ جاییدن قاچیب کیتگن هجومچیلرنی اوشلش اوچون عملیات باشله تگن.

باشقه تاماندن پاکستان نینگ غربیده گی کویته ده رای بیریش اوچون بارگن سیلاوچیلرگه قره ته اویوشتیریلگن خودکش هجومده 15 کیشی جان بیردی.

 بیر انتحار هجومچی سی نینگ رای بیریش اوچون بارگن سیلاوچیلرنینگ ایچی گه کیریب اویوشتیرگن خودکش هجومده 40 کیشی ایسه یره لنگن.