اوزبیکستان – تاجکستان اورته سیده ویزه سیز سیاحت پروسه سی رسماً عملی بولیب باشلندی

موضوع بیلن علاقه لی کیلیشوو ایککی اولکه جمهور باشلیغلری تامانیدن، 9 – مارچده امضالنگن ایدی

اوزبیکستان – تاجکستان اورته سیده ویزه سیز سیاحت پروسه سی رسماً عملی بولیب باشلندی

اوزبیکستان بیلن تاجکستان اورته سیده گی 30 کون بوییچه ویزه سیز سیاحت نی اوز ایچیگه آلگن قانون لایحه سی رسماً عملی بولیب باشلندی.

اوزبیکستان تشقی ایشلر وزیرلیگیدن بیریلگن بیاناتگه کوره، ایککی اولکه جمهور باشلیغلری تامانیدن، 9 – مارچده امضالنگن "تاجکستان – اوزبیکستان اورته سیده ایککی تامانلمه سیاحتنی اوز ایچیگه آلگن" حکومتلر ارا کیلیشوو" عملی بولیب باشلندی.

خوددی شو کیلیشووگه کوره، ایککی اولکه وطنداشلری بوندن بویان 30 کون بوییچه ویزه سیز سیاحت قیلاله دیلر.  

اوزبیکستان و تاجکستان تبعه لری نینگ 17 ییل نینگ آرتیدن اوز آره ویزه سیز سیاحت قیلیشلری ممکن بولیب قالدی.

خوددی شو کیلیشوو اوزبیکستان جمهور باشلیغی شوکت میر ضیایف نینگ 9-10 مارچ تاریخلریده تاجکستانگه عملگه آشیرگن سفری جریانیده امضالنگن ایدی.

اوزبیکستان بیلن تاجکستان اورته سیده گی بحران، میرضیایف نینگ جمهور باشلیغی ایتیب سیلنیشی نینگ آرتیدن کمه ییب نورماللشیب باردی.

ایککی اولکه اورته سیده سوو و انرژی منبع لری نینگ مشترکاً استفاده ایتیلیشی باعث یوز بیرگن تارتیشوو گه بناً کیلیشمس لیکلر 20 ییلدن بیری دوام ایتیب تورگن ایدی. ایککی تامان 2001 – ییلی ایککی تامانلمه ویزه عملی قیلیب باشله گن ایدی و 1 مینگ 300 کیلومترلیک مشترک چیگره ده گی بعضی بیر گمرک ایشکلرینی یاپیب قویگن ایدیلر.  



علاقه لی ینگی لیکلر