ایرانده گی افغانستانلیک مهاجر لرنینگ پاسپورتلری اوزه یتیریله دی

اوشبو مطلب نی افغانستان نینگ تهرانده گی ایلچی لیگی بیلدیردی

ایرانده گی افغانستانلیک مهاجر لرنینگ پاسپورتلری اوزه یتیریله دی

افغانستان نینگ ایران پایتختی تهرانده گی ایلچی لیگی مسئول لری اوشبو اولکه ده یشیاتگن یوز مینگلب افغانستانلیک مهاجر نینگ پاسپورت لری نینگ اعتبار مدتی نینگ اوزه یتیریلیشی ایش لری نینگ باشله گن لیگی نی معلوم قیلدی. 

اوشبو مسئول لر, هجری شمسی 1395 نچی ییلیده اعتبار مدتی اداققه ییتگن خودی منه شوو پاسپورت لرنینگ اوزه یتیریلمس لیگی نینگ کتته قیین چیلیک لر گه سبب بولگن لیگی نی بیلدیررایکن, ایککی اولکه مهاجر لر کمیته سی اورته سیده گی موافقت دایره سیده پاسپورت لرنینگ اوزه یتیریله دیگن لیگی نی ایسله تیب اوتدی.

شونده ی قیلیب ایلچی لیک آرقه لی بیریلگن بیاناتده, اوشبو مهاجر لرنینگ انترنت آرقه لی نوبت آلیش لری آرتیدن دلو آیی نینگ بیرینچی کونیدن باشلب تهرانده گی ایککی مرکز گه کیلیب پاسپورت لری نی اوزه یتیریش لری نینگ ممکن ایکن لیگی بیلدیریلدی.

عینی دمده ایلچی لیک پاسپورت لرنینگ تمدید ایتیلیشی اوچون 300 افغانی پول آلینه دیگن لیگی نی معلوم قیلدی. 

پاسپورت لرنینگ اوزه یتیریلیشی آرتیدن خودی منه شوو مهاجر لرنینگ اقامت لری نینگ هم تمدید ایتیله دیگن لیگی بیلدیریلدی. 



علاقه لی ینگی لیکلر