اوزبیکستان میانمار رهبریتینی مسلمانلرگه قرشی آرتگن زوراوانلیک حادثه‌ لرینی توخته‌ تیشگه چقیردی

اوزبیکستان میانمار رهبریتینی آراکانلیک مسلمانلرگه قرشی آرتگن زوراوانلیک حادثه‌لرینی توخته‌ تیشگه چقیردی

اوزبیکستان میانمار رهبریتینی مسلمانلرگه قرشی آرتگن زوراوانلیک حادثه‌ لرینی توخته‌ تیشگه چقیردی

اوزبیکستان تشقی ایشلر وزیرلیگی تامانیدن بیریلگن بیاناتده میانمار‌ده یوزه‌ گه کیله‌ یاتگن وضعیت نینگ خصوصاً، مملکتده‌گی آزچیلیکنی تشکیل ایتووچی آراکانلیک مسلمانلرگه قرشی آرتگن زورآورلیک حالتلری نینگ اوزبیکستانده خواطر گه باعث بولگن لیگی معلوم قیلیندی.

انسان حقلری جهانی بیاناتی و بیرلشگن ملتلر تشکیلاتی نظامی شونینگدیک، اسلام همکارلیک تشکیلاتی نظامی مقصد و وظیفه ‌لریگه تیه ‌نگن حالده اوزبیکستان زورآورلیک نینگ هر قنده‌ی کورینیشینی قاره ‌له‌ یدی و عرقی، رنگی، جنسی، تیلی، دینی، سیاسي یاکه باشقه‌ اعتقادلری، ملي یاکه اجتماعي کیلیب چیقیشی، ملکي، توغیلیشی یاکه باشقه‌ حالتلر بیلن باغلیق بیلگیلریدن قطعی نظر، هر بیر انسان برچه‌ حقوق و ایرکین لیکلر بیلن سوزسیز تأمینلنیشی طرفداری ایکنلیگی ایسله‌ تیلگن بیاناتده، «شو مناسبت بیلن، میانمار حکومتینی بی‌ گناه‌ مسلمانلرگه قرشی زورآورلیک خطی - حرکتلرنی توخته ‌تیشگه و بو حادثه‌ نینگ آلدینی آلیش اوچون برچه‌ ضرور چاره ‌لرنی کوریشگه همده‌ معمانی فقط ‌گینه تینچ یول بیلن حل ایتیشگه چقیره‌ میز» دییلدی.

بیاناتده شونینگدیک اوزبیکستان حکومتی نینگ آراکانلیک مسلمانلر نینگ احتیاجلری اوچون اولرگه انسانپرورلیک یاردمینی یوباریش توغریسیده قرار قبول قیلینگن لیگی قید ایتیلدی.

میانمار اوردوسی نینگ قوراللی جنگریلرگه قرشی کوره ‌شی اساسیده آراکانده، تینچ اهالیگه قرشی هجوم قیلیندی و عاقبتیده جاري ییل نینگ 25-اگستیدن بیری مینگلب مسلمان جان بیردی. میانمار حکومتی نینگ مملکت گه کیریش و چیقیشلریگه رخصت بیرمه‌ یاتگن لیگی باعث جان بیرگن تینچ اهالی سانینی تولیق انیقلش حاضرده امکانسیز وضعیتده. 

هجومده 150دن آرتیق قیشلاق، اردو و بودیست مليتچیلر تامانیدن ویران قیلیندی. مینگلب آراکانلیک مسلمان اوزی نینگ خوفسیزلیگی اوچون حلیگچه منطقه ‌دن اوزاقلشیش گه حرکت قیلماقده. میانمار‌دن قاچگن تینچ اهالی تاغلیک حدودلر، نفع دریاسی یاکه دینگیز یولی آرقه ‌لی بنگلدشگه اوتماقده.



علاقه لی ینگی لیکلر