پاکستان، افغانستان حدودیده تیکانلی سیم اوریب باشله دی

اوشبو تیکانلی سیم اوریش جریانی نینگ ایککی باسقیچ ده عملگه آشیریلرلیگی قید ایتیلدی

پاکستان، افغانستان حدودیده تیکانلی سیم اوریب باشله دی

پاکستان اردوسی نینگ سوزلاوچی لیگی تامانیدن بیریلگن بیاناتده، افغانستان حدودیده گی تروریستیک هجوم لرگه مانع بولیش اوچون "یوکسک درجه لی خطر" بولگن جایلرگه تیکانلی سیم اوریب باشلنگن لیگی بیلدیریلدی.

اوشبو تیکانلی سیم اوریش جریانی نینگ ایککی باسقیچ ده عملگه آشیریلرلیگی قید ایتیلدی و ایلک مرحله نینگ باجور، مهمند و خیبر قبیله لری منطقه لرینی اوز ایچیگه آلگن یوکسک خطر منطقه لریدن عبارت ایکن لیگی، ایککینچی باسقیچ نینگ بلوچستان ایالتی حدودیدن عبارت ایکن لیگی معلوم قیلیندی.

بو جریان نینگ ایککی اولکه نینگ فایده سیگه ایکن لیگی افاده ایتیلدی.

ایککی اولکه آره سیده دیورند خطی اوله راق اتلگن و میلادی 19 – عصرده انگلستان تامانیدن تعیین قیلینگن 2 مینگ 400 کیلومترلیک چیگره موجود دیر. پشتون منطقه سینی ایککی بولیم گه اییرگن دیورن خطینی افغانستان قبول قیلمه ی تورگن.

اسلام آباد و کابل اداره لری بیر- بیرینی تروریزم گه قره ته پرواسیز ایکن لیگی بیلن عیبله ماقده.

پاکستان، اولکه ده سونگی پیت لرده آرتیب بارگن تروریستیک حادثه لرنینگ افغانستانده جایلشگن ترور گروهلری باعث یوز بیرگن لیگینی سبب کورساتیب، فبروری آیدن بیری ایککی حدود ایشیگینی یاپیب قویگن ایدی.

بیراق پاکستان باش وزیری نواز شریف، 20 مارچ کونی حدود ایشیک لری نینگ تکرار آچیلیش فرمانینی بیرگن ایدی.



علاقه لی ینگی لیکلر