جمهوررئیسی غنی پاکستان نینگ رسمی دعوتی نی رد ایتدی

افغانستان جمهوررئیسی محمد اشرف غنی نینگ پاکستان نینگ, پایتخت اسلام آباد گه سفر قیلیشی بیلن علاقه لی رسمی دعوتی نی رد ایتگن لیگی معلوم قیلیندی. 

اوشبو مطلب بی بی سی تامانیدن بیریلگن بیر خبر ده بیلدیریلدی. 

اسمی نینگ ذکر ایتیلمس لیگی نی طلب ایتگن افغانستان دولتی دن ایریم منبع لر گه تَیَنتیریلیب بیریلگن خبرده, جمهوررئیسی اشرف غنی نینگ, افغانستانده اوروش لرنینگ اداغگه ییتمسدن و افغانستان خلقی نینگ پاکستان نینگ یخشی نیتی گه مطمئن بولمسدن,  پاکستان گه سفر قیلمیدیگن لیگی نی بیلدیرگن لیگی معلوم قیلیندی. 

پاکستان دولتی سه شنبه کونی افغانستان گه سفر قیلگن اوشبو اولکه نینگ استخبارات اداره سی "آی اس آی" باشلیغی نوید مختار آرقه لی رسمی دعوتی نی جمهوررئیسی غنی گه بیلدیرگن. 

عینی دمده جمهوررئیسی غنی نینگ, مختار گه, پاکستان نینگ زود لیک بیلن مزارشریفده گی 209 نچی شاهین قول اردوسی, افغانستان ده گی امریکا عالی بیلیم یورتی و قندهار والی لیگی گه قره تیلگن تروریستیک هجوم لرنینگ مسئول لری نی افغانستان دولتی گه تاپشیریشی کیره ک ایکن لیگی نی معلوم قیلگن لیگی هم بیلدیریلدی.

آی اس آی باشلیغی نوید مختار بیر نیچه ساعت لیک رسمی سفر دایره سیده سه شنبه کونی پایتخت کابلده ایریم اوچره شوو لر اوتکزگن ایدی.