پاکستان ده ناراضی چیلیک نمایش لری بولیب اوتماقده

پاکستان ده ناراضی چیلیک نمایش لری باشله تیب یوبارگن مخالف حزب لر بیلن حکومت هیئت لری مذاکره ایتدی.
پاکستان عدالت حرکتی و پاکستان خلق حرکتی حزب لری بیلن حکومت مذاکره هیئت لری اوز ارا اوچره شدی.
پاکستان عدالت حرکتی مسئول لری دن بیری بولگن شاه محمود قریشی, حکومت مذاکره هیئتی بیلن ایلک مراتبه صحبت ایتگن لیک لری نی بلدررایکن, ۶ ماده لیک طلب لری نی مطرح ایتگن لیک لری نی قید ایتیب اوتدی.
حکومت هیئتی بیلن ینه بیر بار اوچره شه دیگن لیک لری نی بلدرگن قریشی, پاکستان خلق حرکتی نینگ بیر سیاسی حزب دن عبارت ایکن لیگی نی بلدررایکن, اردو داخل هیچ بیر تمان نینگ باشقروی ده حرکت ایتمیتگن لیک لری نی معلوم قلدی.
حکومت هیئتی دن پنجاب ایالتی والی سی چاودری محمد سرور هم مذاکره لرنینگ یخشی بولیب اوتگن لیگی نی ایسله تیب اوتدی.
سرور, پاکستان عدالت حرکتی طلب لری خصوصیده یوقاری مرتبه لیک مسئول لر بیلن صحبت ایتیله دیگن لیگی نی بلدردی.
عینی دمده پاکستان خلق حرکتی هیئتی نینگ هم حکومت هیئتی بیلن اوچره شگن لیگی بلدریلدی.
شوندای قلیب اوشبو حزب نینگ حکومت گه ایککی ماده لیک اوز طلبی نی مطرح ایتگن لیگی قید ایتیلدی.
پاکستان ده آگست آیی نینگ ۱۴ نچی کونیدن بیری اوز ناراضی چیلیک نمایش لری نی دوام ایتتریتگن اوشبو ایککی حزب پاکستان باش وزیری نواز شریف و پنجاب ایالتی نینگ باش وزیری شهباز شریف نینگ استعفا ایتیشی نی طلب ایتماقده.