روسیه بیلن پاکستان اورته سیده اونلب میلیارد دالرلیک کیلیشووگه قول قوییلدی

اوچ ایریم پروژه اوچون 10 میلیارد دالر سرمایه یاتقیزه دی

روسیه بیلن پاکستان اورته سیده اونلب میلیارد دالرلیک کیلیشووگه قول قوییلدی

روسیه بیلن پاکستان، اورته شرقده گی طبیعی گازنینگ پاکستان آرقه لی جنوبی آسیا تامان ییتکیزیب بیریلیشی و پاکستان دینگیز ساحه سیده نفت قیدیروو فعالیتلری بوییچه 10 میلیارد دالرلیک سرمایه یاتقیزیش اوچون کیلیشیب آلدی.

پایتخت اسلام آبادده پاکستان خلق ارا گاز تیزیمی شرکتی (ISGSL) بیلن گازپروم شرکتی اورته سیده کیلیشوو گه قول قوییلدی. خوددی شو امضا مراسمی گه پاکستان نفت وزیری غلام سرور خان هم قتنشدی.

مراسم آلدی گپیرگن خان، ایککی مملکت نینگ انرژی وزیرلری نینگ دسامبر آییده اوتکزگن اوچره شوولریده، اورته شرقده گی طبیعی گاز منبعلریدن پاکستانگه دینگیز (سوو) آستیدن بیر پایپ لاین اوتکزیلیشی توغریسیده کیلیشب آلگن لیکلرینی معلوم قیلدی.

خان، "روسیه طبیعی گاز و نفت ساحه لریده پاکستانگه 10 میلیارد دالر سرمایه یاتقیزه دی" دیدی.

امضا مراسمیده پاکستان نماینده لیگیده ISGSL باشلیغی مبین صولت، روسیه تامانیدن ایسه گازپروم باشلیغی اورینباسری ویتالی مارکیلوف قول قویدی.

ISGSL تامانیدن بیریلگن بیاناتده، گازپروم نینگ هم اورته شرقده گی ایریم منبعلریدن چیقریلگن طبیعی گاز، سوو آستی پایپ لین آرقه لی پاکستانگه تشیب بیریله دی. گازپروم پاکستانده ییر آستی دیپولش تاسیساتی بیلن دینگیز سووینی تمیزلش تاسیساتی هم قوریب بیره دی دیب ایتیلگن.

پاکستان نینگ مملکت گه آقیب کیلگن گازدن کونده لیک 14 الی 28 میلیون متر مکعب آلیشی ممکن. گاز بو جایدن ایریم جنوبی آسیا مملکت لریگه آقیب باره دی.

اوشبو طبیعی گاز پایپ لاین پروژه سی نینگ 4 ییل جریانیده توگه ییشی کوتیلماقده.  



علاقه لی ینگی لیکلر