دونالد ترامپ دنیا اقتصادی ییغین گه اشتراک ایتمه یدی

اوز مملکتیده کتته بحران بیلن دوچ کیلگن

دونالد ترامپ دنیا اقتصادی ییغین گه اشتراک ایتمه یدی

امریکا قوشمه ایالتلری دولت باشلیغی دونالد ترامپ، موقتی بودجه بحرانی باعث فدرال حکومت نینگ یاپیلیشینی بهانه قیلیب، سویس نینگ داووس قصبه سیده اوتکزیله دیگن دنیا اقتصادی ییغین گه اشتراک ایتمه یه جگینی بیلدیردی.    

دونالد ترامپ اجتماعی ترماق آدرسی تویتر آرقه لی نشر قیلگن پیامیده، "دموکراتلرنینگ حدود خوفسیزلیگی و اولوسیمیزنینگ امنیتی نینگ اهمیتی بیلن تیگیشلی کیلیشماوسیزلیکلر باعث دنیا اقتصادی ییغینی اوچون داووس گه عملگه آشیره دیگن سفریمنی حرمت بیلن کنسل قیله من. دنیا اقتصادی ییغینی گه قلبدن ایسته ک و عذریمنی بیلدیره من" دیب ایتگن.  

مکسیکا چیگره سیگه اوریله دیگن دیوار اوچون فند اجره تیلمه گن لیگی باعث یوز بیرگن بودجه بحرانی عاقبتیده فدرال حکومت نینگ قسمی یاپیلگنیدن 21 کون اوتدی.

امریکا قوشمه ایالتلری سناتوسی، فدرال حکومت نینگ نوامبر آییده بولیب اوته دیگن سیلاولر آلدی یاپیلیشی گه توسیق بوله دیگن 854 میلیارد دالرلیک  بودجه لایحه سینی سپتامبر آییده تصدیق قیلیب چیقرگن ایدی.

امریکانینگ قانونلریگه کوره، کنگره 1 اکتوبرده باشلب 30 سپتامبرده نهائی بولگن مالی ییل اوچون دائیمی بودجه نی تصدیق قیلمه گن تقدیرده موقتی بودجه لر آرقه لی کم چیلیکلر برطرف ایتیلیشی کیره ک. موقتی بودجه هم تصدیقلنمه گن تقدیرده خرجت قیلیش صلاحیتینی قولدن بیره دیگن فدرال حکومت یاپیله دی.

بو 320 میلیون اطرافیده کیشی گه خذمت بیریب تورگن فدرال حکومت نینگ حیاتی خذمتلردن تشقری برچه فعالیتلرینی توخته تیب قوییشی معناسیگه کیله دی. بو جریانده حیاتی اهمیت گه ایگه بولمه گن دولت اداره لریده گی پرسونللرگه مجبوراً رخصت بیریله دی. امریکا قوشمه ایالتلری اردوسی، CIA,FBI و     NSA کبی استخبارات اداره لری، دولتی شفاخانه لریده گی داکتر و نرسلر، قونلغه و قماقخانه ده گی خوفسیزلیک خادملری کبی دولت اداره سی پرسونللری وظیفه لریگه دوام ایته دیلر.

حیاتی صنفیده بولمیش بو پرسونللر، یاپیلیش دوریده گی معاشلرینی کنگره ینگی بیر بودجه نی تصدیق قیلیب چیقرگونچه قدر آلالمه یدیلر. مملکتده حیاتی بولمه گن خذمتلر اوچون ایشله یه دیگن لرنینگ سانی 850 مینگ کیشی اطرافیده دیر. بیراق حیاتی بولگن پرسونل نینگ سانی ایسه 2 میلوین کیشی اطرافیده دیر.



علاقه لی ینگی لیکلر