امریکا چین لیک کتته سرمایه دار نینگ قیزی نی اوشلتتیردی

اوشبو کیشی کاناداده امریکا نینگ طلبی گه بناً اوشلنگن

امریکا چین لیک کتته سرمایه دار نینگ قیزی نی اوشلتتیردی

کاناداده چین نینگ اینگ کتته تکنالوژی شرکتی دن عبارت هواوی نینگ ایگه سی رین زینگفی نینگ قیزی و اوشبو شرکت نینگ مالی ایشلر بوییچه مسئولی مینگ وانزو امریکا قوشمه ایالتلری نینگ ایرانگه قره تیلگن تحریم لری گه اویغون حرکت قیلمه لیگی سببی بیلن اوشلندی. 

کانادا عدلیه وزیرلیگی مینگ وانزو نینگ دسامبر آیی نینگ بیرینچی کونیده وانکوور شهریده اوشلنگن لیگی نی بیلدیردی. 

وزیرلیک تامانیدن بیریلگن بیاناتده, امریکا قوشمه ایالتلری رهبریتی نینگ طلبی گه بناً اوشلنگن مینگ وانزو نینگ دسامبر آیی نینگ 7 نچی کونیده محکمه گه آلیب باریله دیگن لیگی معلوم قیلیندی. 

مینگ وانزو نینگ امریکا قوشمه ایالتلریگه تاپشیریلیشی تقدیرده ایسه نیویورک ایالتی نینگ شرقی منطقه سی محکمه سیده محکمه قیلینه دیگن لیگی بیلدیریلدی. 

امریکا قوشمه ایالتلری عدلیه وزیرلیگی, چین نینگ کتته تکنالوژی شرکتی دن عبارت هواوی گه قرشی, ایران گه قره تیلگن تحریم لرگه اویغون حرکت قیلمه گن لیگی سببلی تیکشیرو فعالیت لری باشلتگن ایدی. 

امریکا بیلن چین اورته سیده قیسقه بیر مدت آلدین امضالنگن تجارت کیلیشووی جهتی دن ضررلی بولیشی اویلنگن اوشبو خبر نینگ بازار لر گه منفی تاثیر قالدیرگن لیگی بیلدیریلماقده. 



علاقه لی ینگی لیکلر