اوزبیکستان – بلاروس اورته سیده 200 میلیون دالرلیک کیلیشووگه قول قوییلدی

ایککی مملکت اورته سیده تجارتی ییگین بولیب اوتدی

اوزبیکستان – بلاروس اورته سیده 200 میلیون دالرلیک کیلیشووگه قول قوییلدی

بلاروس جمهور باشلیغی الکسندر لوکاشینکونینگ اوزبیکستانگه قیلگن رسمی سفری چوکاتیده پایتخت تاشکینتده ایککی مملکت سوداگرلری نینگ قتنه شیشی بیلن تجاری ییغین اویوشتیریلدی.

اوزبیکستان باش وزیر اورینباسری نادر آته جان اوف بیلن روسیه باش وزیر اورینباسری میخائیل روسی نینگ مشترک باشقروولریده اوتکزیلگن تجاری ییغینده، ایککی اولکه نینگ سوداگرلری و دولت اداره لری اداره چیلری (تامانلر) اورته سیده گی همکارلیک نینگ آلغه باریشی بیلن تیگیشلی اوچره شوولر بولیب اوتدی.

تجاری ییغینده اوزبیکستان تشقی تجارت وزیری جمشید خواجه یف، بلاروس لیکلرگه مملکتده گی ایش، تجارت و سرمایه گذارلیک امکانیتلری عین دمده اوزبیکستانده خارجی سرمایه گذارلرگه بیریلگن امتیاز و اولویت لر توغریسیده معلومات بیردی. بلاروس لیک سوداگرلر هم اوزبیک شرکتلرنینگ اداره چیلری بیلن ایش آلیب باریش امکانیت لرینی تیکشیریب چیقدیلر.

اوزبیکستان – بلاروس تجاری ییغینی نینگ آرتیدن ایککی تامان اورته سیده توپلم 193،3 میلیون دالرلیک 82 کیلیشووگه قول قوییلدی. عین دمده تجاری ییغین چوکاتیده اوزبیکستان و بلاروس صنایع و تجارت اتاقلری اورته سیده همکارلیک کیلیشوولری هم امضالندی.

تجاری ییغین دایره سیده تاشکینتده بلاروس محصوللری کورگزمه سی هم اویوشتیریلدی.

بلاروس جمهور باشلیغی الکسندر لوکاشینکو 24 ییل کیین اوزبیکستانگه قیلگن سفری بوگون اوز نهایه سیگه ییتیب باردی.   



علاقه لی ینگی لیکلر