ترامپ کانادانی تهدید ایتدی

مذاکره لر یخشی اوتمسه کانادا اوچون قیین بوله دی

ترامپ کانادانی تهدید ایتدی

امریکا قوشمه ایالتلری دولت باشلیغی دونالد ترامپ کانادا بیلن تجارتی مذاکره لرنینگ بحرانی بیر شکلده اوته یاتگن لیگینی معلوم قیلیب،

"اگر کی مذاکره لر یخشی اوتمسه بو بیز اوچون یخشی بوله دی لیکن کانادا اوچون قیین بوله دی" دیدی.

ترامپ کویت امیری شیخ صباح بیلن آق اویده اوچره شدی. ترامپ اوچره شوو آلدی کون ترتیبی بیلن تیگیشلی بیانات بیردی.

ترامپ، امریکا قوشمکه ایالتلری و کانادا هیئت لری اورته سیده توناون کونی باشلنگن تجاری مذاکره لرنینگ "بحرانی" بولیب اوته یاتگن لیگینی معلوم قیلیب، کانادا بیلن کیلیشوو بولمه گن تقدیرده اوز اولکه سی نینگ ضرر کورمس لیگینی ایتدی.

بونقه بیر نتیجه ده کانادانینگ کوپ ضرر کوره جگینی ادعا قیلگن ترامپ،

" اگر کی مذاکره لر یخشی اوتمسه بو بیز اوچون یخشی بولرکن کانادا اوچون قیین بوله دی" دیب ایتدی.

امریکا قوشمه ایالتلری، کانادا و مکسیکو اورته سیده 24 ییل آلدین عملی بولیب باشلنگن شمالی امریکا آزاد تجارت کیلیشووینی (NAFTA) "بی منطق بیر کیلیشوو" دیب بهاله گن ترامپ، اوتگن ییل مذاکره گه آچگن خوددی شو کیلیشوونینگ ینگی شکلی نینگ کانادانی اوز ایچی گه آلمه ییشی نینگ ممکن ایکن لیگینی بیلدیرگن ایدی.



علاقه لی ینگی لیکلر