امریکا قوشمه ایالتلری نینگ ایرانگه قره ته چیکلاو پروگرامی عملی بولیب باشلندی

نفت تجارتی بیلن تیگیشلی تحریملر نوامبر آییده باشلنه دی.

امریکا قوشمه ایالتلری نینگ ایرانگه قره ته چیکلاو پروگرامی عملی بولیب باشلندی

امریکا قوشمه ایالتلری نینگ ایرانگه قره ته ریجه له گن اقتصادی چیکلاونینگ بیرینچی بولیمی بوگون افغانستان وقتی بیلن 08:30 ده باشلندی.

نفت تجارتی بیلن تیگیشلی تحریملر نوامبر آییده باشلنه دی.

ایران نینگ امریکا قوشمه ایالتلری دالریدن فایده لنیشینی، دولت قرضه سندلری، آلتین و ایریم ارزشلی معدنلر بیلن فولاد، المونیم، کومیر کبی نرسه لر بیلن تجارت قیلیشینی و یولاوچی اوچاغی ویا پرزه لرینی وارد قیلیشینی منع قیلووچی چیکلاو پاکتی واشنگتن وقتی بیلن کیچه لب ساعت 00:00 (12:00) افغانستان وقتی بیلن ایرته لب 08:30 ده باشلندی.

عیندمده خارجی شرکتلرنینگ ایران اتوموبیل بازاریگه کیریشینی منع قیلووچی تحریم پاکتی بیلن قولده توقیلگن قالین و پسته کبی غذائی محصولاتلرنینگ امریکا قوشمه ایالتلریگه صادراتی هم چیکلاو پروگرامی گه کیریتیلدی.

ایران ایش وزیری علی ربیعی "تحریملر باعث 1 میلیون اطرافیده ایران لیک نینگ ایش سیز قالیشی نینگ ممکن ایکن لیگینی" معلوم قیلیب، امریکا قوشمه ایالتلری نینگ بیر تامانلمه آتگن بو آدیمی نینگ مملکتی گه کتته مالی کلفت یراتیشی گه اشاره قیلدی.

باشقه تاماندن امریکا قوشمه ایالتلری اداره سی، چیکلاولرنی ایران بیلن تجارتی گه دوام ایتگن اولکه لرنی اوز ایچی گه آله دیگن شکلده عملی قیله جگی باعث خوددی شو تحریم نینگ ایریم اولکه لرگه هم تاثیر قالدیریشی ممکن.

امریکا قوشمه ایالتلری خزینه وزیرلیگی، تحریم نتیجه سیده زیان کورگن ایریم اولکه لرنینگ ضررلری نینگ تضمین ایتیلمس لیگینی ایتگن ایدی.

ایران نینگ هسته یی قورال پروگرامی بیلن تیگیشلی مشترک کینگ کولملی پلان (Joint Comprehensive Plan of Action – JCPOA) 20 آی بوییچه دوام ایتگن مذاکره لرنینگ آرتیدن 2015 – ییلی جولای آییده بیر تامانده ایران بیر تامانده بیرلشگن ملتلر تشکیلاتی خوفسیزلیک کینگشی نینگ 5 دایمی اعضاسی (امریکا قوشمه ایالتلری، آلمان، انگلستان، چین، روسیه، فرانسه و اروپا بیرلیگی) اورته سیده امضالنگن ایدی.

اوشبو کیلیشوو تهران نینگ هسته یی قورال پروگرامینی نهایی قیلیشی گه قرشی لیک ایرانگه قره ته آلیب باریلگن خلق ارا تحریملرنینگ برطرف ایتیلیشینی اوز ایچی گه آلماقده.

لیکن می آییده امریکا قوشمه ایالتلری دولت باشلیغی دونالد ترامپ نینگ هسته یی قورال کیلیشوودن چیقیش قرارینی الیشی بیلن امریکا قوشمه ایالتلری خزینه وزیرلیگی ایرانگه قره ته چیکلاولرنینگ 90 و 180 کونلیک ایککی ایریم مرحله بیلن قیته دن عملی بولیب باشله ییشیدن خبر بیرگن ایدی.  



علاقه لی ینگی لیکلر