ایرانده گی ناراضی چیلیک نمایشلری پایتخت تهران گه ییره ب باردی

3 کون آلدین اصفهانده باشلنگن مظاهره توناکونی مشهد، شیراز کبی شهرلرگه ییره ب بارگن ایدی

ایرانده گی ناراضی چیلیک نمایشلری پایتخت تهران گه ییره ب باردی

ایران نینگ تورلی منطقه لریده دوام ایتیب تورگن اقتصادی مسئله لرگه قرشی ناراضی چیلیک نمایشلری پایتخت تهرانگه چه ییره ب باردی.

3 کون آلدین اصفهانده باشلنگن توناکونی مشهد، شیراز کبی شهرلرگه ییره ب بارگن اقتصادی مسئله لرگه قرشی ناراضی چیلیک مظاهره لری پایتخت تهرانگچه ییره ب باردی.

اجتماعی میدیا ارقه لی نشر قیلینگن ویدیویی تصویرلرده تهرانده جایلشگن "ولی عصر" میدانیده گی اخلت (کثافت) کانتینرلرینی اوتگه بیرگن لیکلری کوریلماقده.

شعارلر بیلن یوللرگه توشگن مظاهره چیلرگه یوللرده گی هیداوچی لر هم هارن چلیب حمایه سینی کورستماقده.

دسامبر آییده مشهد شهریده، اقتصادی قیین چیلیکلر باعث باشلنگن آرتیدن اصفهان هم داخل انچه شهرده ییره ب کیتگن ناراضی چیلیک نمایشلریده 25 کیشی حیاتینی یوقه تگن ایدی.

ایرانده دالر نرخی نینگ سرعتلی بیر شکلده یوقاری تیرمه لب باریشی بیلن اوتگن آی پایتخت تهران نینگ کتته سودا-ساتیق مرکزی بولمیش "بویوک بازار" سوداگرلری هم اقصادی جریان باعث دوکانلرینی یاپیب قویگن ایدیلر، و خوددی شو وضعیت مملکتده ناراضی چیلیک نمایشلری نینگ باشلب کیتیشی گه سبب بولگن ایدی.

حکومت اقتصاد ساحه سیده آلگن چاره - تدبیرلر دالرنینگ نرخینی توشیرالمه دی بیراق بازارده گی وضعیتنی یمانراق قیلیب قویدی. بازار آزادده دالرنینگ نرخی 10 تومندن یوقاری گه تیرمه لب باردی.

اسعار بازاری نینگ یوقاری باریشی خلق نینگ اقتصادیگه سلبی تاصیر قالدیرر ایکن، ایش جایلری نینگ پی در پی یاپیلیشی و ایشسیزلیک نینگ کوپه ییب باریشی باعث اجتماعی ترماق ارقه لی "عمومی ایش تشلش" اوچون چقیریغلر عملگه آشیریلماقده دیر.

 



علاقه لی ینگی لیکلر