پوتین تورکیه گه تشریف بویوره دی

بوگون تورکیه و روسیه جمهوررئیس لری آق قویو هستوی سنترالی نینگ تهدابی نی قویه دی

پوتین تورکیه گه تشریف بویوره دی

ترکیه جمهوریتی جمهوررئیسی رجب طیب اردوغان, بوگون تهدابی قویله دیگن آق قویو هستوی سنترالی بیلن علاقه لی بیانات بیردی.

اردوغان, "بوگون قیمتلی دوستیم ولادیمیر پوتین بیلن بیرگه تورکیه نینگ و تورک – روس مناسبت لری نینگ کیله جگی جهتی دن مهم بیر قدم دن عبارت بولگن 20 میلیارد دالرلیک سرمایه گذارلیک نی تشکیل ایتیاتگن آق قویو نینگ تهدابی نی قویه میز" دییه قید ایتدی.

تورکیه اتم انرژی سی اداره سی تامانیدن, آق قویو هستوی سنترالی نینگ بیرینچی قسمی نینگ قوریلیشی لیسانسی توناوون بیریلدی. 

آق قویو هستوی سنترالی نینگ قوریلیشی آرتیدن خوددی منه شوو سنترال نینگ اوزی تورکیه نینگ برق ضرورتی نینگ تقریباً 10 فایزی نی تامین ایتیب بیره دی.

اوشبو سنترال ساختمانی ایش لری دوام ایتیاتگن پیتده 10 مینگ کیشی و قوریلیشی آرتیدن ایسه 3 مینگ 500 کیشی گه ایش امکانیتی تامین ایته دی. 

حاضرگی کونده دنیاده 31 اولکه ده 450 هستوی سنترال دن استفاده ایتیلماقده.  عینی دمده 55 اولکه ده هستوی سنترال قوریلیش ایش لری دوام ایتماقده.  تورکیه ده اوشبو سنترال نینگ قوریلیش ایش لری نینگ باشله نیشی آرتیدن خوددی منه شوو اولکه لرنینگ سانی 56 گه کوتریلیب کیته دی. 

اوشبو هستوی سنترال تورکیه نینگ مرسین ولایتیده قوریله دی.



علاقه لی ینگی لیکلر