ترکیه نینگ یاردم لری میانمار مسلمانلریگه ترقه تیله باشلندی

جمهوررئیسی اردوغان نینگ عیالی میانمار مسلمانلری گه یاردم ترقتدی

ترکیه نینگ یاردم لری میانمار مسلمانلریگه ترقه تیله باشلندی

ترکیه جمهوریتی جمهوررئیسی رجب طیب اردوغان نینگ عیالی امینه اردوغان ترکیه نینگ میانمار مسلمان لری گه یوبارگن یاردم لری نی ترقتدی.

خودی منه شوو یاردم لر میانمار دن قاچیب بنگلدیش گه کیلگن مسلمان لر گه ترقه تیلدی. 

امینه اردوغان بنگلدیشده میانمار مهاجر لری نینگ یشیتگن کمپ نی کوریب چیقدی. 

میانمارده یوز بیرگن حادثه لر بیلن علاقه لی ضرر کورگن کیشی لرنینگ اوزی بیلن گپلشگن امینه اردوغان, "تاثیرلنمس لیک ممکن ایمس. الله مددگارلری بولسین. انشا الله خلق ارا جامعه اوشبو موضوع گه اهمیت بیریب, اوشبو انسان لر گه یاردم ایترایکن, موجود معما گه هم سیاسی بیر ییچیم یولی تاپه دی. بو عصر ده بونده ی بیر وحشیانه حادثه نینگ یوز بیریشی گه ایشانیش ممکن ایمس. بیراق, کوزی میز نینگ اونگیده یوز بیرماقده" دییه قید ایتدی. 

عینی دمده امینه اردوغان, اوز سوز لری نی, "همه میز نینگ باله لری بار.  بیز نینگ باله لری میز ایمس لیگی اوچون اهمیت بیرمس لیگی میز ممکن ایمس.  همه میز نینگ مسئولیتی میز بار.  اونینگ اوچون بو ییر گه کیلدیک.  خلق ارا جامعه گه اوشبو مشکل نی بیلدیریش اوچون کیلدیک.  یاردم اوچون کیلدیک. همه نینگ قولیدن کیله دیگن ایش نی قیلیشی کیره ک" شکلیده دوام ایتتیردی. 

بوندن تشقری امینه اردوغان, جمهوررئیسی اردوغان نینگ میانمارده مسلمان لر گه قره ته قیلینگن ظلم نی بیرلشگن ملت لر تشکیلاتیده مطرح قیله دیگن لیگی نی بیلدیررایکن, همه نینگ اوشبو خصوصده حساس بولیشی کیره ک ایکن لیگی نی معلوم قیلدی. 



علاقه لی ینگی لیکلر