ترکیه طیاره لری میانمار مسلمانلریگه یاردم آلیب باره باشله دی

ترکیه نینگ میانمار مسلمان لری گه قره تیلگن یاردم لرینی انتقال ایتتیریتگن طیاره سی انقره دن اوچدی

ترکیه طیاره لری میانمار مسلمانلریگه یاردم آلیب باره باشله دی

ترکیه جمهوریتی جمهوررئیسی رجب طیب اردوغان نینگ میانمار جمهوررئیسی بیلن قیلگن تیلیفونی صحبتی آرتیدن ترکیه نینگ یاردم لری نی انتقال ایتتیریتگن تُرک طیاره سی نینگ پایتخت انقره دن اوچگن لیگی بیلدیریلدی. 

شونده ی قیلیب اوشبو طیاره بیلن جمهوررئیسی اردوغان نینگ عیالی امینه اردوغان باشچی لیگی ده گی 38 کیشی لیک ترک هیئتی هم بنگلدیش گه جونب کیتدی. 

سککیز ساعت کیین قونیشی پلانلنگن اوشبو طیاره ده گی هیئت اعضالری بنگلدیشده میانمارلیک مسلمان لر نینگ یشیتگن کمپ لر نی کوریب چیقه دی. 

اوشبو دایره ده ایلک نوبتده بیر مینگ تُن مقداریده گی غذائی مواد و کییم-کیچیک یاردمی میانمارلیک مسلمان لر گه انتقال ایتتیریله دی. 

انتقال ایتتیریلیتگن خودی منه شوو یاردم لر ترکیه جمهوریتی تشقی ایش لر وزیری مولود  چاووش اوغلی و تیکا باشلیغی سردار چام نینگ هم موجود بولگن بیر هیئت تامانیدن کمپ لرده گی میانمار مسلمان لری گه ترقه تیله دی. 



علاقه لی ینگی لیکلر