تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری  

وطن روزنامه‌سی: خلوصی آقر سیرگیی شویگو بیلن اوچره‌شدی. ملي مدافعه‌ وزیری خلوصی آقر توناون کونی‌ روسیه مدافعه‌ وزیری سیرگیی شویگو بیلن اوچره‌شوو اوتکزدی. مذکور اوچره‌شوو چاغیده ساچیده 14-فبروری کونی روسیه دولت باشلیغی ولا‌دیمیر پوتین، جمهور باشلیغی رجب طیب ایردوغان و ایران جمهور باشلیغی حسن روحاني اشتراکیده اوتکزیله‌دیگن جلسه دن آلدین سوريه‌ده‌گی آخرگی وضعیت قولگه آلیندی.

 

صباح روزنامه‌سی: «تورک قیرغیسی گه» «اینگ عجایب اوچاق دیزا‌ینی» دیگن مکافات بیریلدی. بوندن 10 ییل مقّدم اروپاده «اینگ عجایب دیزا‌ین» مکافاتیگه لایق دیب تاپیلگن «German Design Awards» بو ییل اوز اورنینی «تورک قیرغیسی الپینه»گه بیردی. الپینه‌ نینگ هم زمینی، هم سووگه قونه آلیشی، تیپه‌دن قناتلی بولیب، انرژیسیدن تصرفلی فایده‌لنه آلیش امکانی نینگ بارلیگی، دنیاگه مشهور بولگن دیزا‌ینچیلر تامانیدن آلقیشگه سزاوار کوریلدی. 

 

خبر تورک روزنامه‌سی: انترکتیکا قایاقچی‌لری فضا تیکشیرووی بوییچه‌ آلیب باریله‌دیگن تدقیقاتلرده منبع صفتیده فایده‌لنیله‌دی. انترکتیکا‌ده علمي فعالیتلرینی تمامله‌گن استا‌نبول تخنیک عالی بیلیم یورتی نینگ جیولوژی انجنیرلیگی بوییچه‌ کیچیک علمي خادیمی یغمور گونیش، فضا تیکشیرووی بوییچه‌ آلیب باریله‌دیگن تدقیقاتلرده نمونه‌ حدود حسابلنگن قاره‌ده‌گی کول و قایه‌لردن آلینگن نمونه لر آرقه‌لی حصه‌ قوشه‌دی. قاره‌ده آلیب بارگن تدقیقاتلری نینگ اهمیتیگه توخته‌لگن گونیش، «مملکتده فضا تدقیقاتلرگه بولگن قیزیقیش کوپه یگن، بونگه اوخشه‌ش فعالیتلر نینگ قوللب-قوّتلنیشی بو ساحه‌ده اوز اورنینی آله‌ باشله‌گن یورتیمیز اوچون مهم‌دیر» دیدی.

 

حریت روزنامه‌سی: بایبورتده ایشلب چیقریلگن محصولاتلر، دنیا نینگ 4 قاره‌سیگه صادر قیلینماقده. تورکيه‌ نینگ بایبورت شهریده‌گی بیر فابریکه‌، بایبورت بیلن بیرگه‌ مملکت نینگ بیر نیچه‌ ولایتیدن چیقریلگن طبيعي تاشلر اوستیده ایش آلیب باریب اونی امریکا، اروپا، آسیا و افریقا قاره‌سیده‌گی 16 ته دولتگه ساتدی و قیسقه‌ وقت ایچیده کتّه‌ موفقیتگه ایریشدی فابریکه‌ مدیری نورالله‌ شن تورک نینگ ایتیشیچه بایبورت طبيعي تاش ذخیره‌لری جهتیدن جوده‌هم بای ییر آستی منبعه‌لریگه ایگه‌. شونده‌ی ایکن اولر بو ییل بو باره‌ده‌گی صادر رقملرینی 500 مینگ دالرگه چیقرماقچی.

 

یینی شفق روزنامه‌سی: استانبول نینگ سوو آستی بایلیکلری بوتون دنیاگه تنیتیله‌دی. استانبول نینگ سوو آستی بایلیکلری، «جمال رشید بیک» نامیده‌گی کنسرت صالونیده اویوشتیریله‌دیگن مخصوص کورگزمه آرقه‌لی بوگون آقشم تماشا‌بینلر اعتباریگه حواله‌ قیلینه‌دی. استانبول بلدیه سیگه قره‌شلی توریزم بولیمی 52 کونده‌، 33 باشقه‌ نقطه‌ده، 100دن آرتیق سوو آستیده صور‌تگه آلگن «ایکّیته دینگیز، بیر شهر: سوو آستیده‌گی استانبول» دیب ناملنگن مستند فلم آرقه‌لی استانبول نینگ سوو آستی بایلیکلرینی بوتون دنیاگه تنیته‌دی. مذکور مستند فلم آرقه‌لی استانبول نینگ سوو آستی توریزمی و سوو آستی تورلی جانلی لری دنیاگه تنیتیلیب، اولر نینگ حمایه‌ قیلینیشی اوچون خلق آگاهلنتیرله‌دی.



علاقه لی ینگی لیکلر