تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: هالند تورکيه ده سرمایه گذارلیک قیلیش نیتیده.
هالند تشقی ایشلر وزیری ستیف بلاک رسمي سفر بیلن انقره‌گه کیلر ایکن اونده تورکيه ده سرمایه گذارلیک قیلیش نیتیده ایکنلیکلرینی قید ایتدی. هالند تشقی ایشلر وزیری بو حقده، «تورکيه رواجلنیش باره‌سیده اولکن ظرفیتگه ایگه. آخرگی 10 ییل مابینیده بونی بیزگه بیر نیچه مراتبه کورسه‌تدی. هالند‌ده تورکيه گه سرمایه کیریتماقچی بولگنلر بار. شونده‌ی ایکن بو مسأله‌ده قوشمه اقتصادي کمیسیوندن فایده‌لنیب، سودا ترماغیده‌گی همکارلیگیمیزنی مستحکملشنی خواهله‌یمیز» دیدی.
خبر تورک روزنامه سی: (D-8) دولتلر، اوزارا سودا همکارلیگینی رواجلنتیریش نیتیده. رواجلنگن سکّیز دولت (D-8) باش منشیسی کو جعفر کو شاری، اعضا دولتلر نینگ اوزارا مناسبتلرینی مستحکملش نیتیده ایکنلیگینی ایسله‌تگن حالده، «اعضا دولتلر اورته‌سیده‌گی سودا همکارلیگینی ایکّی برابرگه چیقریش نیتیده‌میز» دیدی. شاری، استا‌نبولده‌گی صبیحه گوکچن نامیده‌گی خلق‌ارا قونلغه سی بیلن (D-8) اورته‌سیده شو ییل نینگ اگست آییده یخشی نیت شرطنامه‌سیگه قول قوییلگنلیگینی ایسله‌تگن حالده، «مذکور شرطنامه آرقه‌لی ایسته‌نبولده‌گی صبیحه گوکچین نامیده‌گی خلق‌ارا قونلغه، بیرینچی تنلب آلینگن (D-8) قونلغه بولدی» دیب گپیردی.
ستار روزنامه سی: کیمیا سکتوری تورکيه‌ده اینگ کوپ محصولات صادرات قیلگن ایکّینچی سکتورگه ایلندی. کیمیا سکتوری ینینگ سپتامبر آییده‌گی صادراتی 2017-ییل نینگ شو آییگه نسبتاً 19.79 فایز آرتگن حالده 1 میلیارد 534 میلیون دالرگه باردی. بو آرقه‌لی کیمیا سکتوری اتوموبیل سکتوریدن کیینگی تورکيه‌ده اینگ کوپ محصولات صادرات قیلگن ایکّینچی سکتورگه ایلندی. سپتامبر آییده اینگ کوپ محصولات صادر قیلگن دنیا دولتلری رویخطیده 129 میلیون 726 مینگ دالر بیلن اسپانیا بیرینچی ا‌وریننی ایگه‌للر ایکن مصر 104 میلیون 959 مینگ دالر بیلن ایکّینچی، عراق 82 میلیون 660 مینگ دالر بیلن اوچینچی ا‌ورینگه کیریتیلدی. آتی تیلگه آلینگن مملکتلرنی جرمني، امریکا قوشمه ایالتلری، هندوستان، یونان، سعودی عربستان، ایتا‌ليا و انگلستان تعقیب ایتدی.
وطن روزنامه سی: بلیق اسیر نینگ سیندیرگو تومنیده کاولین قازیب آلینماقده.
دارو، مبائیل، تلویزیون، شیشه، کود کیمیاوی، حیوان ییمی، کاغذ، بویه، پلاستیک، سریش، سیرامیک و مرکّبده فایده‌لنیلگن، تورکيه‌ده قریب 421 میلیون تُن ذخیره‌سی بارلیگی قید ایتیلگن کاولین اینگ کوپ بلیق اسیر نینگ سیندیرگو تومنیده‌گی دوویرتیپه حوزه‌سیدن قازیب چیقریلماقده. تورکيه‌ده کوپراق چینّی و سیرامیک ایشلب چیقریشده فایده‌لنیلگن کاولین، آخرگی ییللرده قیشلاق زراعت اوسیملیک و حیوان محصولاتلری ترکیبی صفتیده بازارلرده علیحده ا‌ورین ایگلله‌ی باشله‌دی. کاولین سرمایه گذارلیک بیلن قولگه آلینگودیک بولسه اونده اونینگ مملکت اقتصادیاتیگه ییریک حصه قوشیشی ایتیلماقده.
یینی شفق روزنامه سی: «امریکالیک سیاحت کتابلری مؤلفی قپه دوکیا‌نی دنیا نینگ اینگ یخشی دَم آلیش مسکنی دیب اعلان قیلدی.
دنیا نینگ اینگ تنیقلی سیاحت کتابلری مؤلفی سوپهیه میوره، دنیا نینگ اینگ یخشی 5 ته دَم آلیش مسکنینی اعلان قیلدی. میوره، «قپه دوکیا البته بیرینچی ا‌ورینده» دیدی. سوپهیه میوره، «او ییر علیحده ا‌ورینگه ایگه. البته (باولون) مینی اوچیردی. هیچ قچان آیگه بونچه‌لیک یقین بولمه‌گندیم» دیدی. میوره نینگ رویخطیده مونته نگرو نینگ کوتور شهری ایکّینچی قطارده، سلوینيا نینگ بلید کولی ایسه اوچینچی قطارده ا‌ورین آلدی.
