تورکیه مطبوعاتیدن خلاصه لر 19.04.1397

صباح روزنامه سی, تورکیه جمهوریتی جمهوررئیسی رجب طیب اردوغان نینگ, ینگی کابینه نی اعلان قیلیاتگن پیتده قیلگن صحبتی جریانیده "بوگون ملتی میز گه 95 ییل لیک جمهوریتی میز نی ینگی رهبریت شکلی بیلن ایلغار سویه گه کوتره دیگن لیگی میز نی وعده بیره میز. ملتی میز نینگ بیزگه بیرگن اوشبو امکانیتدن یخشی فایده له نیلب کوچلی پارلمان, کوچلی حکومت و کوچلی تورکیه اوچون فعالیت لری میز نی باشلیمیز" دییه قید ایتگن لیگی نی ایسلتماقده. 

وطن روزنامه سی, انقره نینگ بیش تپه منطقه سیده اورین آلگن جمهوررئیس لیگی مجتمع سیده بولیب اوتگن ینگی جمهوررئیسلیگی حکومت سیستمی گه اوتیش مراسمیده اشتراک ایتگن کیشی لرگه ینگی باسیلیب چیققن بیر تورک لیره سی نینگ ترقه تیلگن لیگی نی معلوم قیلماقده. 

خبرده, خوددی شوو پول لرده اوشبو کون نینگ تاریخی, جمهوررئیس لیگی مجتمع سی نینگ عکسی, "جمهوررئیسی رجب طیب اردوغان" جمله سی و جمهوررئیسی اردوغان نینگ امضاسی نینگ موجود ایکن لیگی ایسله تیلماقده.

ینی شفق روزنامه سی, تورکیه بیلن امریکا قوشمه ایالتلری اورته سیده گی کیلیشوو گه قره مسدن, بولووچی ترور تشکیلاتی پی کا کا نینگ اشغال ایتگن سوریه نینگ منبج منطقه سیدن حاضرگه چه چیقمه گن لیگی نی بیلدیرماقده. 

خبرده, منبج اهالی سی نینگ تورکیه نینگ حربی عملیات بیلن اوشبو منطقه نی ترورچی لر دن تصفیه ایتیشی نی طلب ایتیاتگن لیگی معلوم قیلینماقده. 

ستار روزنامه سی, میلادی 2017 نچی ییلی نینگ خوددی شوو دوری بیلن سالشتیریلگنده جاری ییل نینگ ایلک 6 آییده تورکیه نینگ ماشین صادراتی میزانی نینگ 20 فایز مقیاسیده آرتیب کیتگن لیگی نی یازماقده. 

خبرده, اوشبو رقم نینگ 8,3 میلیارد دالر گه کوتریلیب کیتگن لیگی گه دقت قره تیلماقده. 

ینی شفق روزنامه سی, تورکیه نینگ موغلا ولایتی مارماریس اولسواللیگی گه کیلگن Faith نامیده گی کیمه گه قیزیقیش نینگ جوده هم کتته بولگن لیگی نی معلوم قیلماقده.

خبرده, 97 متر اوزونلیککه ایگه اوشبو کیمه نینگ ارزشی نینگ ایسه تقریباً 200 میلیون دالر دن عبارت ایکن لیگی ایسله تیلماقده.