تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری  

صباح روزنامه سی: «  دالر اورنیگه آلتین بیلن قرض آلینسین»

جمهور رئیس رجب طیب ایردوغان، خلق‌ارا پول جمغرمه‌سی (IMF) اولکه‌لرنی  اوز تأثیری آستیگه آلگنینی معلوم قیلیب، « قرضدار بولیش دالر اورنیگه آلتین بیلن بولیشی کیره‌ک» تکلیفینی ینه‌ بیر  بار تکرارله‌دی. استانبولده اویوشتیریلگن گلوبال تشبثکارلیک  کنگره سیده سوزگه چیققن ایردوغان، « تشبثکار تمایلی بولگن دولتلر جمعیتینی بو دنیاده اوزی تشکیل ایتگن تشکیلاتلرنی ینه‌ یخشی ترتیبدن اوتکزیشی لازم، IMF نی تشکیل ایتگن بو دولتلر. مثال اوچون  کتّه‌ 20جی ییغیلیشیده « نیمه‌گه‌ دالر  بیلن قرضدار قیله‌سیز. بو نینگ اورنیگه باشقه‌ بیر پول بیرلیگیدن فایده‌لنه‌یلیک» دیب تکلیف قیلدیم. مینیمچه بو قرضدار قیلیش ایش آلتین بیلن بولسین. دالر بیلن بیر بازار قیمتی باسیم آستیده قالینماقده. دولتلرنی و ملتلرنی اوشبو بازار قیمتی باسیمیدن قوتقریش لازم» دیب قید ایتدی.

ستار روزنامه سی: « روس دیپلوماتی: ایردوغاننی اورنک قیلیب آلیشیمیز لازم»

روسیه پارلمانی قویی قناتی دُمه مدافعه‌ کمیسیون رئیسی نینگ بیرینچی اورین‌باسری الیکسندیر شرین، ملي منفعتلرنی  قوریقلش اوچون جمهور رئیس رجب طیب ایردوغان نینگ کوره‌شینی اورنک قیلیب آلیش  کیره‌ک دیب قید ایتدی. روس رسمي تلویزیونی 1- کانالده جانلی روش دستوریده سوزگه چیققن دیپلومات شرین، « اگر ایردوغان کبی کوره‌شمسک  امریکا قوشمه ایالتلری نینگ تأثیریدن قوتولیشیمیز جوده‌ قیین.  اوز منفعتلریمیزنی قوریقلش اوچون ایردوغان نینگ کوره‌شینی اورنک قیلیب  آلیشیمیز لازم. اگر بیز هم ایردوغان اسلوبینی اوزلشتیرسک و‌شینگتن ساکنلشه‌دی» دیدی. 

یینی شفق روزنامه سی: « چاووش اوغلی، فرانسه جمهور رئیسی ایمانویل مکرون نینگ  یالغانینی فاش قیلدی.

تشقی ایشلر وزیری مولود چاووش اوغلی، فرانسه جمهور رئیسی مکرون « اسد حکومتینی اوریب تورکيه‌نی روسیه‌دن اوزاقلشتیردی» بیاناتیگه قتّيق ناراضیلیک کورسه‌تدی. ناتو باش کاتبی جینس استولتینبیرگ بیلن انقره‌ده مطبوعاتی انجمن اویوشتیرگن چاووش اوغلی، مکرون نینگ انقره‌ده‌گی جمهور رئیس رجب طیب ایردوغان،  روسیه  جمهور رئیسی وله‌دیمیر پوتین و ایران جمهور رئیسی حسن روحاني اشتراک ایتگن جلسه ده ا‌ورین آلماقچی بولدی فقط رد قیلیندی. چاووش اوغلی، مکرون بیرگن بیاناتی فرقلی اولکه‌لر تامانیدن  هم  رد ایتیلدی دیب قید ایتدی. « بیر جمهور رئیسدن اوزیگه  یره‌شه‌دیگن بیاناتلر  کوته‌میز» دیب قید ایتیب و مکروننی درست بولیشگه چقیردی.

وطن روزنامه سی: « ملي حربي اوچاق TF-X مکیتی نمایش ایتیلدی»

تورک هواچیلیک و فضا صناعی، ایشلب رواجلنتیره‌یاتگن تورکيه ججوره ماشینلی 5- نسل حربي اوچاقی TF-X پروزه‌سی مکیتینی  ملیزيا‌ده‌گی دی ایس2018 مدافعه‌ کورگزمه‌سیده نمایش ایتدی.

تورک قوراللی کوچلری احتیاجینی قاندیریش اوچون باشله‌تگن ملي محریب اوچاق پروژه‌سی بیلن تورک هواچیلیک قوماندانلیگیده موجود بولگن و 2030دن  اعتباراً نوبتی دوره‌دن  چیقریلیش نظرده توتیلگن ایف-16 اوچاقلر نینگ اورنی آله‌دیگن مملکت نینگ امکانیت و قابلیتی بیلن پروژه‌لشتیریلگن زمانه‌وي اوچاقلر ایشلب چیقریلیشینی  اوز آلدیگه مقصد قیلیب قویگن.

تورکيه، دنیاده امریکا قوشمه ایالتلری، روسیه و چیندن کیین 5- نسل بیر  حربي اوچاق ایشلب چیقریش زیر بنا و تکنالوژي‌ ایگه‌ اولکه‌لر قطاریده ا‌ورین آله‌دی.

خبر تورک روزنامه سی: « ترووا ییلینی» تورک هوا یول حمایه‌ قیلدی»

مدنیت و توریزم وزیرلیگی تامانیدن بیرلشگن ملتلر تشکیلاتی  تعلیم، فن و مدنیت بولیمی یونسکو نینگ جهان مدنیت میراثی رویخطیده قبولی نینگ 20- ییلیده 2018 ییلینی  « ترووا ییلی « دیب اعلان قیلگن ایدی. تورک هوا یوللریده ایربس 321 مودلده‌گی اوچاغیگه ترووا آتی فوتوصور‌تی بیلن بیزه‌تیلدی.  تورک هوا یول‌ نینگ ایربس 321 -200 روسومیده‌گی TC-JTP نینگ آرقه‌ قِسمیده جای آلگن  اوچاق ترووا آتی فوتوصور‌تی و « The Year Of Troy » دیب یازیلدی.



علاقه لی ینگی لیکلر