تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: جمهور رئیس ایردوغان: «کوته تیزیمی سودا مناسبتلریگه سلبي تأثیر کۉرسهتماقده» دیدی.
جمهور رئیس رجب طیب ایردوغان الجزایرگه بولگن رسمی تشریفیدن آلدین مذکور مملکتده چاپ ایتیلگن «الشّروق» دیب ناملنگن روزنامه گه کون ترتیبیدهگی مسألهلر حقیده بیانات بیردی. اوشبو بیاناتده وارد قیلینگن محصولاتلر اوچون کوته تیزیمی آرقهلی قیلینگن جواز طلبی نینگ تجاري مناسبتلرگه سلبي تأثیر کورسهتگنلیگینی ایسلهتیب اوتگن جمهور رئیس ایردوغان، ایکّی مملکت نینگ تجاري و سرمایه گذارلیک ظرفیتیدن امکان قدَر، اعلی درجهده فایدهلنیش یاردمیده، بیر نیچه جهتی بیلن اقتصادي مناسبتلرنینگ کیلهجکده ینه-ده رواجلنهجگنینی افاده ایتدی.
وطن روزنامه سی: جمهور رئیس ایردوغان مکرون بیلن تیلفون آرقهلی ملاقات قیلدی. جمهور رئیس رجب طیب ایردوغان بیلن فرانسه جمهور رئیسی ایمانویل مکرون تیلفون آرقهلی سوريهدهگی آخرگی وضعیت و اوز ارا مناسبتلرنی قولگه آلدی. تورک قوراللی کوچلری تامانیدن سوريه نینگ عفرین تومنیده آلیب باریلهیاتگن زیتون نودهسی عملیاتی حقیده معلومات المشگن جمهور رئیس ایردوغان، عفرین نینگ ترور تشکیلاتیدن قوتقریلیشی آرتیدن مهاجرلر نینگ هم سوريهگه، اوز یورتلریگه قَیتهجگینی قید ایتدی.
ستار روزنامه سی: خلوصی آقر: «تروریستلر و اولرنی قوللب-قوّتلهگن تشقی کوچلر مغلوب بولهدی» دیدی.
جنرال خلوصی آقر، تروریستلر بیلن اولرنی قوللب-قوّتلهگن تشقی کوچلر نینگ مغلوب بولیشینی قید ایتدی. تورک قوراللی کوچلری باشقرمه سی ستر جنرال خلوصی آقر، همراهلیگیدهگی قوریقلیک کوچلری قوماندانلری بیلن بیرگهلیکده تورکيه نینگ هاتای ولایتیدهگی تورلی پولیس حوزه لری و بیرلیکلرده تیکشیروو ایشلری آلیب باردی. شو دایرهده، «عفریندهگی، قه ییردن کیلیشیدن قطعي نظر منطقهگه تشقریدن کیرگن بوتون تروریست و اولرنی قوللب-قوّتلهگن تشقی کوچلر مطلقا مغلوب بولهدی» دیدی.
خبر تورک روزنامه سی: کوربین، انگلستان نینگ اروپا بیرلیگی دن کیینگی دوری حقیده گپیرر ایکن تورکيه اورنهگیگه توختهلدی. بریتانیا نینگ ایشچی حزبی لیدری جرمی کوربین یورتی نینگ اروپا اتفاقی ترکیبیدن چیقیشی آرتیدن گمرک اتفاقی ترکیبیدن چیقمسلیگی کیره کلیگینی بیلگیلب اوتدی. کوربین، اروپا بیرلیگی بیلن تورکيه یاکه ناروی کبی مناسبت اورنهتیشلری ممکنلیگینی قید ایتدی.
یینی شفق روزنامه سی: ینه 6 ته استدیوم نینگ قوریلیشی ریجهلشتیریلماقده.
یاشلر و سپورت ایشلری وزیرلیگی بیلن عامهوي اوی-جایلر ادارهسی ییتکچیلیگی امکانلری اساسیده تورکيه نینگ انقره، ایلازیغ، ایرزینجان، حقّاری، شیرناق و ایدیرنه ولایتلریده قوریله دیگن استدیوملر فوتبال شیدالری خدمتیگه تاپشیریلهدی.