ترکیه مطبوعاتیدن خلاصه لر 21.10.1396

صباح روزنامه سی, ترکیه جمهوریتی جمهوررئیسی رجب طیب اردوغان نینگ عدالت شوراسیده قیلگن صحبتی جریانیده, فتح الله چی ترور تشکیلاتی نینگ باشلیغی فتح الله گولن نی ترکیه گه تاپشیرمه گن امریکا قوشمه ایالت لری نی قتتیق بیر شکلده تنقید قیلگن لیگی نی معلوم قیلماقده. 

خبرده, اردوغان نینگ, "اوز لری تامانیدن بیریلگن سیاسی قرار لر بیلن ترکیه گه قرشی اوز کوچی نی کورسه تیش گه حرکت ایتماقده لر.  مین بولر نینگ بونده ی قرار لری گه اهمیت بیرمَیمن و اولر گه ایشانمیمن.  بولر ده عدالت یوق.  عدالت بو ییرده" دییه قید ایتگن لیگی بیلدیریلماقده. 

ستار روزنامه سی, ترکیه جمهوریتی باش وزیری بنعلی ییلدیریم نینگ, عدلی محکمه لر ده حاضرگی کونده 9 مرکزده فعالیت آلیب باریتگن استیناف محکمه لری سانی نینگ 15 گه آرتیریله دیگن لیگی نی بیلدیرگن لیگی نی یازماقده.

خبرده, ییلدیریم نینگ عدالت شوراسیده قیلگن صحبتیده, "محکمه لرنینگ ایش لری نینگ تیزلشتیریلیشی و محکمه لر گه بولگن ایشانچ نینگ آرتیریلیشی اوچون ایریم ریفورم لر نی ترکیه جمهوریتی پارلمانی گه تقدیم ایته میز" دییه قید ایتگن لیگی ایسله تیلماقده. 

ینی شفق روزنامه سی, ترکیه جمهوریتی تشقی ایش لر وزیری مولود چاووش اوغلی نینگ, ایران و روسیه نینگ سوریه ده گی گرنتی ایتووچی مسئولیت لری نی بجا کیلتیریشسی کیره ک ایکن لیگی نی بیلدیرگن لیگی گه دقت قره تماقده. 

خبرده, چاووش اوغلی نینگ اوز سوز لری نی, "سوچی گه, ترورچی لرنینگ دعوت ایتیلمس لیگی کیره ک ایکن لیگی, بولووچی ترور تشکیلاتی پی کا کا نینگ سوریه ده گی قسمیدن عبارت پی وای دی/وای پی جی نینگ موجود بولگن بیر جایده اورین آلمیدیگن لیگی میز نی بیلدیردیک.  سوچیده ترور تشکیلات لری نینگ موجودیتی تقدیرده, پروسه توختب قاله دی" شکلیده دوام ایتتیرگن لیگی یازیلماقده. 

خبرترک روزنامه سی, ترکیه جمهوریتی عدلیه وزیرلیگی تامانیدن تیارلنگن, حیوان لر گه قیناق قیلیش بوییچه جرم لر گه تیگیشلی قانون لایحه سی دایره سیده, ایگه سی بولگن یاکه بولمه گن حیوان لر گه ضرر بیره دیگن ویا اولدیره دیگن کیشی لرنینگ 4 یریم ییل و نسلی توگیاتگن حیوان لر نی اولدیره دیگن کیشی لرنینگ ایسه 7 ییل لیق بیر مدت بیلن آزاد لیک دن محروم ایتیله دیگن لیک لری نی معلوم قیلماقده. 

حریت روزنامه سی, استانبول بیلگی عالی بیلیم یورتیده فرهنگی سیاست و فرهنگی دیپلماسی, یونسکو بولیمی نینگ قوریلگن لیگی نی بیلدیرماقده. 

خبرده, اوشبو بولیم نینگ بیلگی فرهنگی سیاست لر و رهبریت تحقیقات لری مرکزی دایره سیده فعالیت آلیب باره دیگن لیگی گه دقت قره تیلماقده. 

روزنامه اوشبو بولیم نینگ خلق ارا مقیاسده مهم پروژه لر نی تطبیق ایته دیگن لیگی نی یازماقده. 

عینی دمده خبرده, اوشبو بولیم نینگ ترکیه ده فرهنگی دیپلماسی توغری سیده تحقیقات آلیب باریتگن استاد لر و اوقووچی لر اوچون هم یخشی بیر مرکز دن عبارت بولگن لیگی ایسله تیلماقده.