جهان مطبوعات خلاصه لری

جهان مطبوعات خلاصه لری

جهان مطبوعات خلاصه لری

جهان مطبوعات خلاصه لری

امریکا قوشمه ایالتلری نینگ AP آژانسی: تورکيه تشقی ایشلر وزیری مولود چاووش اوغلی امریکا قوشمه‌ ایالتلری نینگ تورکيه‌گه نسبتاً چیکلاو کیریتیش و باسیم اوتکزیش یولی آرقه‌لی هیچ نیمه‌گه‌ ایریشالمسلیگینی قید ایتدی.  

روسیه‌ نینگ تاس خبر آژانسی: روسیه دولت باشلیغی سوزچیسی دمیتري پیسکوف، «تورکيه دولت باشلیغی رجب طیب ایردوغان روسیه دولت رهبری ویلادیمیر پوتین بیلن یقینده اوتکزگن اوچره‌شوویده تورک اقتصادیده‌گی معمالر باره‌سیده روسیه‌لیک کسبداشیدن هیچ قنده‌ی یاردم سوره‌گنی یوق» دیدی.

انگلستان نینگ رویترز خبر آژانسی: تورک غزینه‌ و مالیه‌ وزیری برات آل بیراق امریکا قوشمه ایالتلری تامانیدن تورکيه‌گه نسبتاً کیریتیلگن چیکلاوینی تنقید قیلگن جرمني‌لیک وزیرنی مقته‌گن حالده، «معمانی دیپلوماتیک یوللردن حل قیلیش طرفداری بولیشلیک تورکيه‌ نینگ آلمان و اروپا اتفاقی علاقه‌لریگه بولگن ایشانچینی مستحکمله‌یدی» دیدی.   

فرانسه‌ نینگ AFP خبر آژانسی: دولت رئیسلیک سوزچیسی ابراهیم قلین تویتر آرقه‌لی بیرگن بیاناتیده، «تورک اقتصادی نینگ پای ‌دیواری مستحکمدیر» دیدی و «هیچ کیم تبلیغی خبرلرگه اعتبار بیرمه سین» دیب گپیردی. 

روسیه‌ نینگ ریا ناوستی خبر آژانسی: تورکيه دولت باشلیغی رجب طیب ایردوغان تورکيه‌گه قرشی اویوشتیریلگن اقتصادي هجومنی تونتریش تشبثی نینگ دوامی دیب بهاله‌دی.

آلمان‌ نینگ «دویچ ویله» انترنیت سایتی: قطر تورکيه‌گه نسبتاً توغریدن-توغری 15 میلیارد دالرلیک سرمایه گذارلیک قیله‌دی.

امریکا آوازی رادیوسی: دولت باشلیغی رجب طیب ایردوغان اوز خلقینی تورکيه‌گه قرشی تبلیغی قدملر تشله‌گن امریکا قوشمه ایالتلریدن الکترونیک محصولاتلرنی خرید قیلمسلیککه چقیردی.

چین خلق‌ارا رادیوسی (CIA): تورکيه تامانیدن امریکا قوشمه ایالتلریدن وارد قیلینگن بعضی محصولاتلرگه قوشیمچه‌ مالیوي مجبوريتلر نسبتینی 100 فایز آرتتیریش حقیده‌گی قرار عملی بولیب کیردی. 

انگلستان نینگ بی بی سی نشراتی: انگلستانده تورک لیره‌سی سوداسیده کتّه‌ آرتیش قید ایتیلماقده. انگلستان‌لیک سیاحلر نینگ تورک لیره‌سیگه بولگن طلبیگه ییتیشیش قیینله شیب بارماقده.

امریکا قوشمه ایالتلری نینگ CNN تلویزیون کانالی: تورکيه‌ نینگ خزینه و مالیه‌ وزیری برات آل بیراق آلمان‌ نینگ اقتصاد وزیری اولاف شولز بیلن اوچره‌شدی. مذکور اوچره‌شووده ایکّله‌ وزیر جاری ییل نینگ 21-سپتامبر کونی برلینده اوچره‌شوو اوتکزیش باره‌سیده کیلیشیب آلدی.

ایران نینگ ایرنا خبر آژانسی: قطر، کویت و عراق امریکا قوشمه ایالتلری چیکلاولری آلدیده تورکيه‌نی قوللب-قوّتله‌ماقده.

روسیه‌ نینگ سپوتنیک خبر آژانسی: دولت باشلیغی رجب طیب ایردوغان فرانسه دولت باشلیغی ایممنویل مکرون بیلن تیلفون آرقه‌لی ملاقا‌ت قیلدی. مذکور ملاقاتده ایکّله‌ مملکت اورته‌سیده‌گی اقتصادي و سودا مناسبتلری قولگه آلیندی.


لیبل: جهان

علاقه لی ینگی لیکلر