ترکیه مطبوعاتیدن خلاصه لر ۸.۹.۱۳۹۵

وطن روزنامه سی, اسرائیلده نوامبر آیی نینگ ۲۲ نچی کونیده باشله گن و اولکه نینگ برچه قسم لری گه کینگ قولاچ یاییب کیتگن یانغین لرنینگ, آره سیده ترکیه نینگ هم موجود بولگن کوپلب اولکه لرنینگ یاردمی بیلن کنترول آستی گه آلینگن لیگی نی بیلدیرماقده. 

خبرده, اسرائیل باش وزیری بونیامین ناتانیاهو نینگ, یانغین لرنینگ اوچیریلیشی اوچون استفاده ایتیلگن طیاره لرنینگ مرکزی گه باریب پیلوت لر بیلن صحبت ایتگن لیگی معلوم قیلینماقده. 

روزنامه, اوشبو مرکز ده گی ترک پیلوت لر بیلن صحبت ایتیشی آرتیدن ناتانیاهو نینگ, ترک طیاره سی نینگ اونگیده مطبوعاتی کنفرانس ترتیب لب, یانغین نینگ اوچیریلیشی اوچون یاردم ایتگن برچه اولکه لر گه اوز منتدارچیلیک لری نی بیلدیرگن لیگی نی ایسلتماقده. 

خبرده, اسرائیل جمهوررئیسی رووین ریولین نینگ هم, توناوون ترکیه جمهوریتی جمهوررئیسی رجب طیب اردوغان گه قونگغراق قیلیب ترکیه نینگ یانغین اوچیریش طیاره سی یوباریب اسرائیل بیلن همکارلیک قیلگن لیگی سببلی ترکیه گه اوز منتدارچیلیک لری نی بیلدیرگن لیگی قید ایتیلماقده. 

روزنامه, ترکیه نینگ آلدین هم اسرائیل بیلن شونده ی همکارلیک قیلگن لیگی نی بیلدیررایکن, میلادی ۲۰۱۰ نچی ییلیده اسرائیلده باشلب کیتگن و قیسقه بیر مدت مابینیده اولکه نینگ کوپلب قسم لری گه کینگ قولاچ یاییب کیتگن یانغین لرنینگ اوچیریلیشی اوچون انقره رهبریتی نینگ ۲ یانغین اوچیریش طیاره سی یوبارگن لیگی نی یازماقده. 

خبرترک روزنامه سی, ترک انجنیر لرنینگ, چیت ایللرده خوف سیزلیک کوچ لری تامانیدن دیوار نینگ آرقه سیده جانلی بیر کیشی نینگ موجودیتی نینگ تثبیت ایتیلیشی و آلیب قاچیریلگن کیشی لرنینگ نجات بیریلیشی اوچون استفاده ایتیلیتگن رادار سیستمی نی ترکیه ده تولید ایتگن لیک لری نی بیلدیرماقده. 

صباح روزنامه سی, ترکیه جمهوریتی باش وزیری نینگ اورینباسری نعمان کورتولموش نینگ, نوامبر آیی نینگ ۸ نچی کونیده بولیب اوتگن سیلاو لر نتیجه سیده امریکا قوشمه ایالتلری نینگ ینگی دولت رهبری اوله راق سیلنگن دونالد ترامپ دوریده امریکا بیلن ترکیه آره سیده گی مناسبت لر نینگ یخشی بولیشی بوییچه امیدوار ایکن لیگی نی بیلدیرگن لیگی نی معلوم قیلماقده. 

خبرده, کورتولموش نینگ, "ترامپ دن, فتح الله چی ترور تشکیلاتی موازی دولت ساختاری FETÖ/PDY نینگ باشلیغی فتح الله گولن نی ترکیه گه تاپشیریشی و امریکا نینگ سوریه نینگ شمالیده گی ترور تشکیلاتی پی کا کا نینگ بیر بولگیدن عبارت پی وای دی بیلن بولگن مناسبت لری نی قیته باشدن تیکشیریب چیقیشی نی طلب ایتماقده میز.  مین شخصاً امیدوار من" دییه قید ایتگن لیگی ایسله تیلماقده. 

ینی شفق روزنامه سی, ترکیه جمهوریتی تشقی ایش لر وزیری مولود چاووش اوغلی نینگ تهران گه قیلگن سفری دایره سیده ایران جمهوررئیسی حسن روحانی بیلن اوچره شگن لیگی نی معلوم قیلماقده. 

خبرده, اوشبو اوچره شوو دایره سیده روحانی نینگ, سوریه و عراقده برقرارلیک نینگ تامین ایتیلیشی اوچون ترکیه بیلن ایران آره سیده اوز ارا همکارلیک میزانی نینگ آرتیریلیشی کیره ک ایکن لیگی نی بیلدیرگن لیگی گه دقت قره تیلماقده. 

روزنامه, چاووش اوغلی نینگ هم ایککی اولکه آره سیده گی همکارلیک نینگ منطقه ده تینچ لیک نینگ تامین ایتیلیشی بوییچه حصه قوشه دیگن لیگی نی بیلدیرگن لیگی نی یازماقده.

حریت روزنامه سی, اوینچی سررا ییلماز نینگ, "له باتاردا دی استانبول" نامیده گی اوینی نی ایتالیاده قیته باشدن اوینش اوچون تیارگرلیک اوتکزیتگن لیگی نی بیلدیرماقده. 

خبرده, اوینچی نینگ, ایتالیا نینگ فرقلی جای لریده آسیلگن اوشبو اوین بیلن علاقه لی اعلانات نینگ عکس لری نی انستاگرام آرقه لی ترقتگن لیگی قید ایتیلماقده.