خارجی مطبوعات خلاصه لری 19.8.1395

خارجی مطبوعات خلاصه لری 19.8.1395

فارسچه، پرس تلویزیونی: "ترکیه، آلماننی تروریزم نی حمایه قیلگن لیگی بیلن عیبله ماقده"

ترکیه تشقی ایشلر وزیری مولد چاووش اوغلی، آلمان حکومتینی منطقه ده گی ترور تشکیلاتلرینی حمایه قیلگن لیگی بیلن عیبله دی. چاووش اوغلی انقره ده عملگه آشیرگن مطبوعاتی کنفرانسیده “PKK ve DHKP-C  آلمان ده فعالیت آلیب بارماقده لر. آلمانلر بو گروپلرگه همکارلیک قیلماقده لر، چونکه ترکیه گه مخالفلر. آلمان ترور تشکیلاتلریگه ایریم اولکه لرگه کوره کوپراق همکارلیک قیلماقده. آلمانلر اوزلرینی بیرینچی صنف ترکیه نی ایسه ایککینچی صنف دموکراسیگه صاحب چیققن لیگینی اویله ماقده لر، دیدی.

روسیه تاس TASS: ترکیه تشقی ایشلر وزیرلیگی مگرینی نینگ بیاناتینی قبول ایتیلیشی نینگ ممکن ایمس ایکن لیگینی اویله ماقده:

ترکیه تشقی ایشلر وزیرلیگی اروپا بیرلیگی تشقی ایشلری و خوفسیزلیک پولیتکالری یوکسک کمیشنری فدریکا مگرینی نینگ ترکیه ده گی وضعیت بیلن تیگیشلی بیاناتینی قبول ایتیش ممکن ایمس ایکن لیگینی و انقره اوچون بیر اهمیت گه ایگه ایمس ایکن لیگینی معلوم قیلدی. اروپا بیرلیگی ی.کسک کمیشنری نینگ اولکه میزگه قره ته بوگون (تناون کون) عملگه آشیرگن بیاناتلری قبول ایتیلمه یدی. متاسفانه اروپا بیرلیگی ترکیه نینگ تروریزم گه قرشی کوره ش توغریسیده گی قیغوسینی درک ایتمه ی تورگن. اروپا بیرلیگی بو حادثه ده گی مسولیتینی یالغیزگینه ترکیه ده گی هجوم لرنی قاره لش بیلن ادا قیلیشی ممکن ایمس دیب، ایتیلدی. اروپا بیرلیگی گه تروریزم گه قره ته کوره ش توغریسیده ترک خلقی ایشانمه یدی دیب معلوم قیلیندی.

انگلستان رویترز: ترکیه آق قویو نوکلر سنترالی نینگ ایلک مرحله سی نینگ 2023 نچی فعالیت گه اوترلیگینی کوتماقده:

انرژی و معدن وزیری برات آل بیراق سه شنبه کون وزیرلیک نینگ کیلگوسی ییل ده گی بودجه سینی مجلس گه تقدیم ایتگنده ترکیه نینگ روسیه بیلن همکارلیگی بیلن بنا ایتیله دیگن 20 ملیارد دالرلیک آق قویو نوکلر سنترال نینگ 2023 نچی ییل فعالیت گه اوترلیگینی بیان ایتدی. ترکیه نینگ اینیقسه گاز اوچون مهم بیر انرژی مرکزی بولیش توغریسیده باریب تورگن لیگینی معلوم قیلیب، سونگی آلنگن تدبیرلر بیلن گاز ذخیره قیلیش ظرفیتیمیز 10 ملیون متر مکعب گه باره دی، دیدی. ترکیه نینگ 2018 نچی ییل قاره دینگیزنینگ غرب تامانیده سوو آستی نفت قودوغی قازیش نی ریجه له گن لیگینی بیان ایتیب، ترکیه نینگ سپتمبر آیی نینگ آخریده توپلم انرژی تولید ظرفیتی نینگ 2.097 تولید تاسیسی بیلن 78.072 میگوات گه بارگن لیگینی بیلدیردی.

سیویس تاگس انتسایگیر: لیمان کولیده قبرس تینچ لیک مذاکره لری:

بیرلشگن ملتلر تشکیلاتی عمومی منشیسی بانکی مون قبرس مسأله سی بوییچه تینچ لیک نی برقرار قیلیش کوپ اوزا ایمس ایکن لیگینی بیان ایتدی. بانکی مون تناون کون سیویس نینگ مونت-پلرین بلدیه سیده باشلنگن مذاکره لر بیلن علاقه لی اوله راق سونگی بیر یریم ییل جریانیده موفقیت لیک قولگه کیریتیلگن لیگینی قید ایتدی. بیرق هنوز هم بعضی بیر قیین چیلیکلرنینگ موجود ایکن لیگینی بیان ایتدی. عین دمده قبرس ده توقع نینگ یوکسک درجه ده ایکن لیگینی معلوم قیلدی. ایککی تامان هم مذاکره لرده مهم نقطه گه ییتیب بارگن. شو اوچون اینگ یخشی نتیجه قولگه کیریتیش اوچون تشویق ایتماقده من، دیدی.