افغانستان ژورنالستلر اوچون اینگ خوفلی اولکه لردن بیری
اوشبو مطلب نی افغانستان جمهوررئیسی نینگ ایککینچی اورینباسری بیلدیردی
افغانستان جمهوررئیسی نینگ ایککینچی اورینباسری سرور دانش افغانستان نینگ ژورنالست لر اوچون اینگ خوفلی اولکه لردن بیری ایکن لیگی نی معلوم قیلدی.
دانش اوشبو مطلب نی افغانستان پایتختی کابلده ژورنالستلر بیلن قیلگن صحبتی جریانیده بیلدیردی.
حکومت نینگ, ژورنالست لرگه قرشی خشونت نینگ آلدی نی آلیش اوچون کیره کلی تدبیر لر نی آلیاتگن لیگی نی بیلدیرگن دانش, اوشبو دایره ده خوفسیزلیک کمیته سی نینگ قوریلگن لیگی و عینی دمده ژورنالست لرنینگ حمایت قیلینیشی اوچون بیر فوند تشکیل قیلینگن لیگی نی معلوم قیلدی.
عینی دمده دانش ژورنالست لرنینگ افغانستانده اینگ کوپ ترورچی لرنینگ هدفی گه ایله نیب قالگن لیک لرینی بیلدیردی.
دانش افغانستانده هیچ کیمسه نینگ مطبوعات ایرکین لیگی نی چیکلش حقوقیگه ایگه ایمس لیگی نی ایسله تیب اوتدی.
ژورنالست لرنینگ دخلسیزلیگی کمیته سی نینگ راپوری گه کوره, میلادی 2017 نچی ییلیده افغانستانده 20 نفر ژورنالست اولدیریلگن. 2018 ییلی نینگ دستلبکی 10 آییده تورلی هجوملرده 14 نفر ژورنالست حیات دن کوز یومدی.