انقره ده افغانستان مستقل لیک کونی قیزغین کوتیب آلیندی

اوشبو مناسبت بیلن بولیب اوتگن مراسم گه کوپلب یوقاری مرتبه لی مقام لر اشتراک ایتدی

انقره ده افغانستان مستقل لیک کونی قیزغین کوتیب آلیندی

افغانستان نینگ اوز مستقل لیگی نی قول گه کریتگن لیگی نینگ توقسان سککیزینچی ییل لیگی ترکیه جمهوریتی پایتختی انقره ده قیزغین کوتیب آلیندی.

اوشبو مناسبت بیلن بولیب اوتگن مراسم گه ترکیه جمهوریتی قوراللی کوچلری قوماندانی سترجنرال خلوصی آقار, ایچکی ایش لر وزیری سلیمان سویلو و معارف وزیری نینگ اورینباسری اورهان اردم بیلن بیر قطارده افغانستان, ترکیه و باشقه اولکه لرنینگ دیپلمات لری هم اشتراک ایتدی.

خودی منه شوو محفل نینگ اوزیده صحبت قیلگن ترکیه جمهوریتی ایچکی ایش لر وزیری سلیمان سویلو, افغانستان بیلن ترکیه آره سیده گی رسمی دوست لیک نینگ میلادی 1921 نچی ییلی مارچ آیی نینگ 1 نچی کونیده باشله گن لیگی گه قره مسدن, اوشبو ایککی اولکه آره سیده گی تاریخی دوست لیک نینگ اوتمیشی نینگ جوده هم اوزاق ایکن لیگی نی معلوم قیلدی.

ترکیه جمهوریتی قوراللی کوچ لری قوماندانی سترجنرال خلوصی آقار هم قیلگن صحبتی جریانیده, ناتو داخل برچه خلق ارا کوچ لرنینگ ترک ایتیشی تقدیرده هم, ترکیه نینگ افغانستان لیک قرداش لری نی یالغوز قویمیدیگن لیگی نی معلوم قیلدی. 

افغانستان نینگ انقره ایلچی سی امان الله جیحون هم, ترکیه بیلن افغانستان آره سیده گی قرداش لیک مناسبت لری نینگ جوده چقور ایکن لیگی نی بیلدیررایکن, صحبتی نینگ اداغیده "یشه سین ترکیه بیلن افغانستان آره سیده گی دوست لیک!" شکلیده شعار بیردی. 

خودی منه شوو محفل نینگ اداغیده مراسم اشتراکچی لری گه افغانستان طعام لری تارتیق قیلیندی. 



علاقه لی ینگی لیکلر