طالبان گروهی نینگ مهم بیر قومدانی اولدیریلدی

افغانستان نینگ جنوبیده جایلشگن هلمند ولایتیده طالبان گروهی نینگ مهم قومندانلریدن بولمیش عبدالمنان اولدیریلدی.

هلمند والی لیگی سوزچیسی عمر زواک، انادولو آژانسی گه بیرگن بیاناتیده، منان نینگ هلمند ولایتی نینگ نوزاد تومنیده هوائی هجومده اولدیریلگن لیگینی بیلدیردی.

افغانستان ایچکی ایشلر وزیرلیگی سوزچیسی نجیب دانش، منان نینگ اولدیریلیشی بیلن طالبان گروهی گه کتته ضربه اوریلگن لیگینی قید ایتدی.

جمهور باشلیغی اشرف غنی، اوتگن ای بیرگن بیاناتیده، طالبان گروهی گه قره ته آلیب باریلگن عملیاتلرده تلفات گه تماس قیلیب "طالبان یوتوق قازانگن بیر وضعیت گه ایمس" دیب ایتگن ایدی.

افغانستان اردوسی نینگ طالبان بیلن یوز بیرگن توقنه شوولرده 2015 – ییلیدن بیری 28 مینگ 529 کیشی تلفات بیرگن لیگینی اورغوله گن غنی، بولرنینگ کوپراغی نینگ موضوع و قرارگاهلرگه قره ته آلیب باریلگن هجوملر نتیجه سیده میدانگه کیلگن لیگینی، افغانستان هوا کوچلری بیلن کوماندولرنینگ طالبان نینگ قولیدن توپراقلرنی قیته ریب آلیش گه دوام ایته جگینی ادعا ایتگن ایدی.

باتشقه تاماندن افغانستانده 17 ییلدن بیری اوروشنی نهائی قیلیش فعالیتلری دوام ایتماقده ایکن، عالی صلح کینگشی اورینباسری دین محمد، امریکا قوشمه ایالتلری نینگ افغانستان خاص نماینده سی زلمی خلیلزاد، طالبان گروهی نینگ مسؤللری بیلن ایککینچی مرته اوچره شیب مملکتده گی خارجی کوچلرنینگ چیقیشی توغریسیده کیلیشگن لیکلرینی بیان ایتگن ایدی.

غنی، طالبان گروهی بیلن تینچ لیک اوچره شوولری نینگ باشله ییشی اوچون ایجاد ایتیله دیگن کمسیون نینگ اعضالرینی تعیین قیلیش اوچون حزبلرنینگ نماینده لری و ایریم سیاسی لربیلن اوچره شوولرگه باشله گن ایدی.