افغانستانده کومیلگن ماینلر هر آی 180 کیشی نینگ حیاتینی یوقه تیشی گه سبب بولماقده

اوشبو معلومات افغانستان ماین تمیزلش مرکزیدن بیریلدی

افغانستانده کومیلگن ماینلر هر آی 180 کیشی نینگ حیاتینی یوقه تیشی گه سبب بولماقده

افغانستان ماین تمیزلش مرکزی نینگ باشلیغی محمد شهاب حکیمی، ماینلی زمین لر بیلن تیگیشلی معلومات بیریلمه گن لیگی گه دقت قره تیب،

" افغانستانده گی اراضی لرده کومیلگن ماین و بمبلر باعث هر آی اورته چه 180 کیشی حیاتینی یوقه تماقده دیر" دیدی.

افغانستان ماین تمیزلش مرکزیدن آلینگن معلوماتگه کوره، ایچکی اوروشلردن قالگن ماینلرنینگ پارتلب کیشیتی نتیجه سیده جان بیرگنلرنینگ کوپراغی باله لردن عبارت دیر.

افغانستان، ماین و پارتله مه گن مهماتلر بوییچه خطر مملکتلر قطاریده تورتینچی اورینده توره دی.

افغانستان آفت حادثه لردن مسؤل دولت وزیری نجیب آقا فهیم ایسه افغانستانده 2 مینگ 500 کیلومتر مربع دن آرتیق اراضیده ماین تمیزلیگی عملگه آشیریلگن لیگینی ایتدی.

ماین تمیزلش ساحه سی بوییچه ایش آلیب بارووچی خارجی موسسه لرنینگ همکارلیکلری نینگ کمه یگن لیگی گه اشاره قیلگن فهیم جنابلری، مملکتده حلی هم یوز مینگلب ماین و پارتله مه گن بمب نینگ موجود ایکن لیگینی تاکییدله دی.

فهیم جنابلری،

"30 ییل مابینیده مملکت نینگ تورلی منطقه لریده 19 میلیون ماین و پارتله مه گن بمب تثبیت ایتیلیب تاثیرسیز وضعیت گه کیلتیریلدی" دیب ایتدی.

افغانستان معیوبلر کینگشی اورینباسری هم بمب، ماین و توقنه شوولر باعث مملکتده 1 میلیون کیشی نینگ معیوب قالگن لیگینی ایتدی.



علاقه لی ینگی لیکلر