سرپل ولایتیده قوراللی توقنه شوو عاقبتیده کوپلب کیشی جان بیردی

اوشبو حادثه عاقبتیده کمیده اون تورت کیشی نینگ جان بیرگن لیگی بیلدیریلدی

سرپل ولایتیده قوراللی توقنه شوو عاقبتیده کوپلب کیشی جان بیردی

افغانستان شمالیده جایلشگن سرپل ولایتیده خوفسیزلیک کوچلری نینگ بیر قوماندان نی اوشلش گه حرکت قیلیشی آرتیدن توقنه شوو یوز بیردی. 

اوشبو مطلب نی بوگون (چهارشنبه) سرپل ولایتیدن محللی بیرمسئول بیلدیردی.

خوددی شوو توقنه شوو توناوکون (سه شنبه) اوشبو ولایت نینگ بلخاب تومنیده باشله گن. 

مذکور توقنه شوو نتیجه سیده خوفسیزلیک کوچلریدن آلتی کیشی بیلن بیرگه مهدی مجاهد اسمی گه ایگه قوماندان نینگ هم 8 نفری جان بیرگن. 

اوشبو توقنه شوو نینگ حاضر هم دوام ایتیاتگن لیگی بیلدیریلدی. 

عینی دمده مجاهد نینگ ینه 12 نفری نینگ یره لنگن لیگی معلوم قیلیندی. 

سرپل ولایتی سوزلاوچیسی ذبیح الله امانی, خوفسیزلیک کوچلری نینگ قانون بوزرلیک و زوره وانلیک بیلن عیب له نیاتگن مهدی مجاهد نی اوشلش گه حرکت قیلیشی آرتیدن اوشبو توقنه شوو نینگ باشلب کیتگن لیگی نی بیلدیردی. 



علاقه لی ینگی لیکلر