اتریشده افغانستانلیک قاچقینلر اوچون ناراضی چیلیک نمایشی اوتکزیلدی

اتریش نینگ پایتختی وینده بیر قطار نمایشچی، ایچکی اوروش و انفجارلر کون سایین کوپه ییب بارگن افغانستان تبعه سی قاچقینلرنی دیپورت قیلینیشی گه ناراضی چیلیک کورساتیب نمایش اویوشتیردیلر.

ایچکی ایشلر وزیرلیگی نینگ قاشی گه باریب ناراضی چیلیک لرینی بیلدیرگن نمایشچیلر، "افغانستان امنیت ایمس"، امنیتده بولگیل"، "دیپورت حادثه سینی خواهله مه یمیز" دیگن شعارلر یازیب چیقدیلر.

انچه مدنی جامعه اویوشمه لری تامانیدن ترتیب لنگن اوشبو نمایش دایره سیده ایچکی ایشلر وزیری هربرت کیکل قاله ویرسه افراطی راستگرا حکومتی نینگ مهاجرلر بیلن تیگیشلی سیاستی گه ناراضی چیلیک کورستدیلر.

SOS Mitmensch مدنی جامه موسسه سی نینگ سوزچیسی الکسندر پولاک، اروپا مقیاسیده قورقوو، نفرت و ایشانچسیزلیک بیاناتلر آرقه لی جمعیتلرده قورقوونینگ ییره ییب بارگن لیگینی ایتدی.

پولکه، اوروش و اولیمدن قاچیب اتریش ده خوفسیزلیک و امنیت گه ایریشگن لیکلرینی اویله گن انسانلرنینگ امیدلرینی برهم اوروب، کیلگن بحرانی فضاگه قیتیب جونه تیلیشلریگه مخالف ایکن لیکلرینی بیلدیردی.

Volkshilfe مدنی جامعه اویوشمه سی باشلیغی ایریک فنینگر، اوشبو مظاهره نینگ تصادفاً ایچکی ایشلر وزیرلیگی قاشیده اویوشتیریلمه گن لیگینی ایتیب، یاردم گه محتاج امنیتی بولگن بیر جای قیدیریب کیلگن انسانلرگه قره ته منفی و ناتوغری سیاست آلیب باریلیشی نینگ مرکزی نینگ بو وزیرلیک ایکن لیگینی اورغوله دی.   

فنینگر، افغانستان نینگ هیچ بیر وقت امنیتلی بیر جای بولمه گن لیگینی 2017 – ییلی 10 مینگ اطرافیده انسان نینگ اولگن لیگینی تیلگه آلدی.

افغانستانده هر کونی کوپ سانده کیشی نینگ بدرغه بولیب حیاتینی قولدن بیرگن لیگی گه دقت قره تیب،

"بو حکومت اوز تبعه لریگه افغانستان نا تینچ مملکت دیب آگاهلنتیرماقده ایکن، افغانستانلیک مهاجرلرنی دیپورت قیلماقچی. بیز دیپورت حادثه سینی تیزلیکده توخته تیلیشینی خواهله یمیز، دیب ایتدی.