فاریاب ولایتیده طالبان گروهی هجوم اویوشتیردی

تروریست گروهی طالبان جنگریلری کمپ نی قولگه کیریتیب آلدی

1031737
فاریاب ولایتیده طالبان گروهی هجوم اویوشتیردی

تروریست گروهی طالبان جنگریلری، افغانستان نینگ شمالیده جایلشگن فاریاب ولایتی غورماچ تومنیده گی عسکری کمپ گه هجوم اویوشتیردی.

مملکت نینگ شمالیده گی 209 – شاهین قول اردو قومندانلیگی سوزچیسی حنیف رضائی، جنگریلرنینگ عسکری کمپ گه سقیله قوراللر بیلن هجوم اویوشتیریشی عاقبتیده مذکور کمپ نینگ قولگه آلگنلرینی ایتدی.

خوددی شو کمپده 70 کیشی عسکرنینگ موجود ایکن لیگینی معلوم قیلیب، اویوشتیریلگن هجومده 20 کیشی عسکرنینگ اولگن لیگینی ایریم عسکرلرنینگ طالبان جنگریلری نینگ قولیگه اسیر بولیب توشگن لیگینی قید ایتدی.

طالبان گروهیدن بیریلگن بیاناتده ایسه اوشبو کمپ ده ایتیلگندن کوپراق عسکر بولگن لیگینی بولردن 43 کیشی نینگ اولگن لیگینی 17 ته سی نینگ یره لنگن لیگینی و 57 ته سی نینگ ایسه قولگه آلگن لیکلرینی ادعا ایتماقده لر.

طالبان گروهی توناون کونی مملکت نینگ شمال-شرق تامانیده جایلشگت تخار ولایتی آیخانم حدود ایشیگی گه اویوشتیرگن هجومده 12 کیشی پولیس حیاتینی یوقه تگن ایدی.   



علاقه لی ینگی لیکلر