اوزبیکستان طالبان گروهی بیلن اوچره شوولر اوتکزماقده
اوشبو اوچره شوولر افغانستان حکومتی بیلن طالبان گروهی اورته سیده مذاکره لرنی برقرار قیلیشنی مقصد قیلیب آلماقده.
اوزبیکستان، افغانستان حکومتی بیلن مذاکره لرنی برقرار قیلیش اوچون طالبان گروهی بیلن اوچره شوولرگه باشله گنینی بیلدیردی.
اوزبیکستان تشقی ایشلر وزیریلگی تامانیدن بیریلگن یازمه بیاناتده، مارچ آییده پایتخت تاشکینتده اویوشتیریلگن افغانستان بوییچه کنفرانس نینگ اشتراکچیلری نینگ مشترک یانداشوولری نینگ عملی بولیشینی مقصد قیلیب آلگن اوزبیکستان طالبان گروهی نینگ یوقاری سویه لی نماینده لری بیلن فایده لی اوچره شوولر اوتکزگن لیگینی بیلدیردی.
اوشبو بیاناتده، خوددی شو اوچره شوولرده، افغانستانده اوزاق مدتلی تینچ لیک و استقرارنینگ برقرار بولیشی، مملکت نینگ اقتصادی ترقیاتی بوییچه دیالوگ و اوز ارا همکارلیکلرنینگ کیله جگی نینگ قولگه آلینگن لیگی معلوم قیلیندی.
عین دمده افغانستان بوییچه کنفرانسده عملگه آشیریلگن کیلیشوولرگه بناً اوزبیکستان نینگ بو اولکه ده گی وضعیتنی استقرارگه ایلنیشی، اجتماعی – اقتصادی اوزگریشلرگه همکار بولیش اوچون فعالیت لری نینگ دوام ایتیب تورگنی قید ایتیلدی.
شونده ی قیلیب، اوزبیکستان نینگ اوتگن دورده، افغانستان حکومتی، امریکا قوشمه ایالتلری، چین، روسیه، اوراسیا منطقه سی، جنوبی آسیا، اورته شرق اولکه لری و خلق ارا ارتباط گروهی اولکه لری بیلن بیرگه لیکده بیر قطار جلسه لر و اوچره شوولر عملگه آشیریلگن لیگی بیلدیریلدی.
مذکور بیاناتده،افغانستان حکومتی و طالبان حرکتی نینگ رمضان هییتی مناسبتی بیلن اوز ارا آتش کیسین عملی قیلگنلرینی خرسندلیک بیلن کوتیب آلگنینی، ایککی تامان نینگ افغانستان جمهور باشلیغی اشرف غنی تامانیدن اعلان قیلینگن آتش کیسین قراری نینگ دایمی عملی قیلیشلرینی تمنی ایتگن لیگی اورغولنگن.
