افغانستانده طالبان عادی اهالی گه قره ته راکتی هجوم اویوشتیردی

اوشبو حادثه عاقبتیده کوپلب کیشی نینگ جان بیرگن لیگی بیلدیریلدی

افغانستانده طالبان عادی اهالی گه قره ته راکتی هجوم اویوشتیردی

طالبان نینگ ننگرهار ولایتیده اویوشتیرگن راکتی هجومی عاقبتیده کوپلب عادی اهالی جان بیردی.

اوشبو مطلب نی بوگون (دوشنبه) ننگرهار ولایتی مسئول لری بیلدیردی.

خودی منه شوو حادثه یکشنبه کیچه سی مذکور ولایت نینگ بتی کوت اولسواللیگیده یوز بیرگن. 

محللی مسئول لر, طالبان نینگ توناوون کیچه نبی خیل منطقه سیده عادی اهالی نی انتقال ایتتیریاتگن بیر موتر نی راکت بیلن اورگن لیگی سببلی کمیده 7 کیشی نینگ جان بیرگن لیگی نی معلوم قیلدی. 

مسئول لر, جان بیرگن خودی منه شوو کیشی لرنینگ آره سیده عیال لر و باله لرنینگ هم موجود ایکن لیک لری نی بیلدیردی. 

عینی دمده خودی منه شوو حادثه عاقبتیده ایککی کیشی نینگ یره لنگن لیگی بیلدیریلدی. 

حادثه قربان لری نینگ بیر عایله نینگ اعضالریدن عبارت ایکن لیک لری و جنازه مراسمی گه اشتراک ایتیش اوچون کیتیاتگن لیک لری معلوم قیلیندی.

حاضرچه طالبان و باشقه گروه لر اوشبو حادثه بیلن علاقه لی هیچ قنده ی بیر بیانات بیرگن ایمس. 



علاقه لی ینگی لیکلر