کابلده ماین و انتحاری واسکت تیارلش فابریکه سی کشف ایتیلدی

افغانستان ملی امنیت عمومی ریاستی پایتخت کابلده ماین و انتحاری واسکت تیارلش فابریکه سی نینگ کشف ایتیلگن لیگی نی معلوم قیلدی. 

اویوشتیریلگن بیر عملیات نتیجه سیده کابل شهری نینگ بیشینچی ناحیه سیده کشف ایتیلگن خودی منه شوو کارخانه نینگ طالبان گروهی گه باغلیق بولگن لیگی بیلدیریلدی.

ملی امنیت عمومی ریاستی اوشبو کارخانه نینگ اوزیدن مقناطیسی و اوزاق دن کنترول ایتیله دیگن ماین لر بیلن انتحاری واسکت لر و کوپ مقدار ده منفجره مواد نینگ تاپیلگن لیگی نی معلوم قیلدی.

عینی دمده خودی منه شوو عملیات نتیجه سیده اوشبو کارخانه نینگ مسئول لری دن عبارت ضیاءالرحمن و آصف اسمی گه ایگه ایککی کیشی نینگ هم یوز بیرگن توقنه شوو لر جریانیده جان بیرگن لیگی بیلدیریلدی.