پاکستان تشقی ایش لر وزیری افغانستان توغری سیده مهم بیر ادعا نی مطرح قیلدی
اوشبو ادعا حقیده انچه گپریله دیگن دیگ کورینماقده
پاکستان تشقی ایش لر وزیری خواجه آصف, افغانستان اردوسی نینگ امریکا قوشمه ایالتلری تامانیدن بیریلگن سلاح لر نی ساتیتگن لیگی نی ادعا قیلدی.
پاکستانده خصوصی بیر تلویزیون بیلن قیلگن مصاحبه سیده, عینی دمده آصف, پاکستانده اویوشتیریلیتگن ترورچیلیک هجوم لری نینگ 90 فایزی دن آرتیغراغی نینگ افغانستانده پلان لنگن لیگی نی بیلدیردی.
بوندن تشقری آصف, حاضرگی کونده افغانستان توپراق لری نینگ 40 فایزلیک بیر قسمی نینگ طالبان جنگری لری نینگ قولیده ایکن لیگی نی هم ادعا قیلدی.
امریکا قوشمه ایالت لری دولت رهبری دونالد ترامپ افغانستان و جنوبی آسیا بیلن علاقه لی ینگی ستراتیژی نی اعلام قیلرایکن, پاکستان نی قتتیق بیر شکلده تنقید قیلگن ایدی.
ترامپ, پاکستان نینگ تروریست لر اوچون امن بیر مرکز گه ایله نیب قالگن لیگی نی بیلدیررایکن, شوباعث امریکا نینگ پاکستان توغری سیده گی سیاست لری نینگ اوزگره دیگن لیگی نی معلوم قیلیب پاکستان گه هوشدار بیرگن ایدی.
پاکستان تشقی ایش لر وزیری نینگ اوشبو سوز لری نینگ ترامپ نینگ خودی منه شوو سوز لری گه قرشی بیر جواب خصوصیتی گه ایگه ایکن لیگی بیلدیریلماقده.
