افغانستانده یوقاری مرتبه لی بیر دولت مسئولی ناتانیش قوراللی کیشی لر تامانیدن آتیب اولدیریلدی

اوشبو حادثه بوگون ایرته لب افغانستان نینگ نیمروز ولایتیده یوز بیردی

افغانستانده یوقاری مرتبه لی بیر دولت مسئولی ناتانیش قوراللی کیشی لر تامانیدن آتیب اولدیریلدی

ناتانیش قوراللی کیشی لر نیمروز ولایتی چخانسور اولسواللیگی نینگ اولسوالی آقا محمد فضلی نی آتیب اولدیردی.

خودی منه شوو حادثه افغانستان وقتی بیلن بوگون (دوشنبه جوزا آیی نینگ 29 نچی کونی) ایرته لب ساعت 8 دن 30 دقیقه اوتگنده ولایت مرکزیده یوز بیردی. 

نیمروز ولایتی سوزلاوچیسی احمد عرب, اوشبو هجوم نینگ موترسایکل لیک قوراللی کیشی لر تامانیدن اویوشتیریلگن لیگی نی بیلدیردی. 

حاضرچه اوشبو هجوم نینگ مسئولیتی نی هیچ بیر تامان اوز بوینی گه آلگن ایمس. 

بیراق, احمد عرب, اوشبو خصوصده جنائی تحقیقات نینگ باشله گن لیگی نی بیلدیردی. 

جنوبغربده اورین آلگن و بیش اولسواللیک گه ایگه نیمروز ولایتی پاکستان و همده ایران بیلن چیگره داش بیر ولایت دن عبارت.     



علاقه لی ینگی لیکلر