امریکا افغانستان اردوسی گه زرهی واسطه یاردم ایتگن
امریکا قوشمه ایالت لری, افغانستان ملی اردوسی گه ایککی یوز دن آرتیغراق زرهی واسطه یاردم ایتگن.
امریکا قوشمه ایالت لری تمانیدن افغانستان ملی اردوسی گه میلادی ۲۰۱۴ نچی ییلی نینگ سونگگی گه قدر ۲۱۲ زرهی واسطه یاردم ایتیله دیگن لیگی بلدریلدی.
افغانستان مدافعه وزیرلیگی نینگ سوزلاوچی سی جنرال ظاهر عظیمی بیرگن بیانات لری ده, "ملی اردو میز نینگ زرهی کوچی نینگ آرتریلیشی اوچون اوشبو یاردم کتته اهمیت گه ایگه" دییه قید ایتدی.
حاضرگی کون گه قدر ۴۰ واسطه نینگ تسلیم ایتیلگن لیگی نی بلدرگن عظیمی, افغانستان ملی اردوسی نینگ تانک لر بیلن علاقه لی ترینینگ گه باشله گن لیگی نی ایسله تیب اوتدی.
افغانستان ملی اردوسی نینگ, حاضرگی کونده طالبان, القاعده یاکه باشقه ترور تشکیلات لری گه قرشی کوره ش بوییچه ییترلیک مقیاس ده امکانیت ایگه سی ایمس لیگی قید ایتیلرایکن, هر قندای بیر اوروش تقدیرده, اینگ کوپلب تلفات بیره دیگن طرف بوله دیگن لیگی بلدریلماقده.
