تورکیه خلق ارا مقیاسده عالی تحصیل مرکزی گه اَیله نیش نی ریجه لَماقده

تورکیه جمهوریتی چیت ایللرده گی تورک لر و قرینداش جمعیت لر اداره سی نینگ باشلیغی عبدالله اَره ن, تورکیه نینگ 2020 – ییلی گچه 200 مینگ چیت ایللیک اوقووچی گه میزبانلیک قیلیب, خلق ارا مقیاسده عالی تحصیل مرکزی گه اَیله نیش نی ریجه لیاتگن لیگی نی بیلدیردی. 

اره ن, بیرلشگن ملت لر تشکیلاتی عمومی مرکزیده بولیب اوتگن بیر ییغیلیش گه اشتراک قیلرایکن, چیت ایللرده گی تورک لر و قرینداش جمعیت لر ریاستی فعالیت لری و تورکیه ده اوقیاتگن چیت ایللیک اوقووچی لر گه تامین ایتیلیب بیریلیاتگن بورسیه لر باره سیده معلومات بیردی. 

2010- ییلیده قوریلگن چیت ایللرده گی تورک لر و قرینداش جمعیت لر ریاستی نینگ  اساسی هدفی نینگ چیت ایللرده یشیاتگن تورک لر بیلن ارتباط تامین قیلیش و اولرنینگ حق لری نی حمایه قیلیشدن عبارت ایکن لیگی نی معلوم قیلگن اره ن, خوددی شوو اداره نینگ فرهنگی و اجتماعی فعالیت لر آرقه لی اورتاق تاریخی و فرهنگی میراث گه ایگه جغرافیه لرنی بیر بیر لری گه یقین لشتیریاتگن لیگی نی بیلدیردی. 

خلق ارا مقیاسده 2019 – ییلده 7 میلیون چیت ایللیک اوقووچی نینگ موجود بولگن لیگی نی بیلدیرگن اره ن, تورکیه ده ایسه 150 مینگ دن آرتیق خارجی طلبه نینگ اوقیاتگن لیگی نی معلوم قیلدی. 

اره ن, سونگگی اون ییلده تورکیه ده اوقیاتگن چیت ایللیک اوقووچی لر سانی نینگ 7 قوات آرتیب کیتگن لیگی نی بیلدیردی.

تورکیه ده گی 17 مینگ چیت ایللیک اوقووچی گه چیت ایللرده گی تورک لر و قرینداش جمعیت لر ریاستی تامانیدن بورس بیریلگن لیگی نی بیلدیرگن اره ن, " تورکیه 2020 – ییلی گچه 200 مینگ چیت ایللیک اوقووچی گه میزبانلیک قیلیب, خلق ارا مقیاسده عالی تحصیل مرکزی گه اَیله نیش نی ریجه له ماقده" دییه قید ایتدی.